ឃាត់ខ្លួនមនុស្ស៣នាក់ ដកហូតគ្រឿងញៀនជាង ៣គីឡូក្រាម នៅរាជធានីភ្នំពេញ
ភ្នំពេញ៖ យ៉ាងហោចណាស់ជនសង្ស័យចំនួន ៣នាក់ ត្រូវបានកម្លាំងជំនាញ (ក៧) បានបើកបង្រា្កបករណីគ្រឿងញៀនចំនួន ២កន្លែងផ្សេងគ្នា គឺនៅចំណុចក្បែក្លោងវត្តតាំងក្រសាំង ស្ថិតក្នុងសង្កាត់កាកាប២ ខណ្ឌពោធិ៍សែនជ័យ និងចំណុចផ្ទះជួលគ្មានលេខ ផ្លូវបេតុងភូមិគោកឃ្លាង សង្កាត់គោកឃ្លៀង ខណ្ឌសែនសុខ ដោយរឹបអូសបានគ្រឿងញៀនជាង ៣គីឡូក្រាម។
បើតាមរបាយការណ៍ពីអគ្គស្នងការដ្ឋាននគរបាលជាតិ បានឲ្យដឹងថា ជនសង្ស័យទាំង៣នាក់នោះ ទី១-ឈ្មោះ សឹង សម្បត្តិ ភេទប្រុស អាយុ៣៥ឆ្នាំ ជនជាតិខ្មែរ, ទី២-ឈ្មោះ ប្រាក់ ឌីម៉ង់ ភេទប្រុស អាយុ៣៥ឆ្នាំ ជនជាតិខ្មែរ និងទី៣-ឈ្មោះ ពៅ សាវិន ភេទស្រី អាយុ៣៧ឆ្នាំ ជនជាតិខ្មែរ។
ក្នុងប្រតិបត្តិការនោះ បានដកហូតវត្ថុតាងបាន រួមមាន៖ ម្សៅក្រាមសថ្លាទម្ងន់ ៣១៦៥.១៩ក្រាម (ជាង៣គីឡូក្រាម), ជញ្ជីងថ្លឹងថ្នាំញៀន២គ្រឿង និងឧបករណ៍វិចខ្ចប់ថ្នាំញៀនមួយចំនួន។
បច្ចុប្បន្នជនសង្ស័យទាំងនោះ ត្រូវបានជំនាញ កសាងសំណុំរឿង ដើម្បីអនុវត្តតាមនីតិវិធីបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។