ចាប់ចិន២នាក់ ដកហូតគ្រឿងគ្រឿន ជិត២០កញ្ចប់ នៅក្រុងព្រះសីហនុ
ខេត្តព្រះសីហនុ៖ កាលពីយប់ថ្ងៃទី១៤ ខែកញ្ញា ឆ្នាំ២០២០ កម្លាំងសមត្ថកិច្ចក្រុងព្រះសីហនុ បានចុះធ្វើការឆែកឆេរអាវុធជាតិផ្ទុះ ស្ថិតនៅចំណុចផ្លូវឯករាជ្យ ក្រុម៧ ភូមិ២ សង្កាត់២ ក្រុងព្រះសីហនុ បានឃាត់ខ្លួនជនសង្ស័យចំនួន ២នាក់ ពាក់ព័ន្ធករណីគ្រឿងញៀនចំនួន ១៩កញ្ចប់។
ជនសង្ស័យខាងលើ ឈ្មោះ Mai Zixi ភេទប្រុស ឆ្នាំកំណើត1993 ជនជាតិចិន មុខរបរ បម្រើសេវាកម្មទេសចរណ៌ ស្នាក់នៅបណ្ដោះអាសន្នភ្នំពេញ និងឈ្មោះ Bian Wei Toa ភេទប្រុស ឆ្នាំកំណើត1992 ជនជាតិចិន ធ្វើការនៅរង្កសាលស៊ីងសូតាយ ទីលំនៅសង្កាត់៣ ក្រុង/ខេត្តព្រះសីហនុ។ ចំណែកវត្ថុតាងដកហូតបាន ម្សៅក្រាមពណ៌សថ្លាចំនួន ៦កញ្ចប់, កញ្ចប់ពណ៌ស មានរូបមនុស្សស្រី សង្ស័យសារធាតុញៀនចំនួន ១៣កញ្ចប់ (ប្រភេទថ្នាំសប្បាយ), ទូរសព្ទ័២គ្រឿង និងរថយន្ត១គ្រឿង។
បច្ចុប្បន្នជនសង្ស័យទាំង២នាក់ កំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដើម្បីធ្វើការសាកសួរ និងចាត់ការតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។