៩ខែ ឆ្នាំនេះ សមត្ថកិច្ចបង្ក្រាបគ្រឿងញៀនជាង ១៣០០ករណី ឃាត់ខ្លួន ២២០០នាក់
ភ្នំពេញ៖ កាលពីថ្ងៃទី២១ ខែតុលា ឆ្នាំ២០២០ នៅសាលប្រជុំអគ្គស្នងការដ្ឋាននគរបាលជាតិ មន្ទីរប្រឆាំងបទល្មើសគ្រឿងញៀន បានរៀបចំកិច្ចប្រជុំវាយតម្លៃសភាពការណ៍ និងលទ្ធផលនៃការប្រយុទ្ធប្រឆាំងគ្រឿងញៀនខុសច្បាប់ រយៈពេល៩ខែ និងលើកទិសដៅបន្ត ក្រោមអធិបតីភាព ដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងគ្រឿងញៀន និងឯកឧត្តម ឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន។
ក្នុងកិច្ចប្រជុំនេះ លោកឧត្តមសេនីយ៍ទោ អ៊ិន សុង នាយករងមន្ទីរប្រឆាំងគ្រឿងញៀន បានឡើងរាយការណ៍ លទ្ធផលកិច្ចប្រតិបត្តិការ រយៈពេល០៩ខែ នៃឆ្នាំ២០២០នេះ របស់សមត្ថកិច្ចនៃមន្ទីរប្រឆាំងបទល្មើសគ្រឿងញៀន បានបង្ក្រាបបទល្មើសគ្រឿងញៀន សរុបចំនួន ១.៣៣៣ករណី កើន២២ករណី ស្មើ ១,៦៥% ឃាត់ខ្លួន ២២០០នាក់ ចាប់យកសារធាតុញៀនគ្រប់ប្រភេទសរុប ៤០០,៤៩គ.ក្រ រួមនឹងមធ្យោបាយ សម្ភារវត្ថុតាងមួយចំនួនទៀត។
ដោយឡែករយៈពេល ០២សប្ដាហ៍ដើមខែតុលា ឆ្នាំ២០២០នេះ សមត្ថកិច្ចបង្ក្រាបករណីធំៗ បានចំនួន៥ករណី ឃាត់ខ្លួន ១៣នាក់ ចាប់យកសារធាតុញៀនគ្រប់ប្រភេទសរុបទម្ងន់ ២.១១៣,៣៦គ.ក្រ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។