មន្ត្រីក្រសួងកសិកម្ម ចុះពិនិត្យការងារបង្កបង្កើនផលស្រូវ និងការចិញ្ចឹមសត្វរបស់ប្រជាកសិករ នៅខេត្តកំពង់ឆ្នាំង
ខេត្តកំពង់ឆ្នាំង៖ កាលពីថ្ងៃទី២២ ខែតុលា ឆ្នាំ២០២០ ឯកឧត្ដម គង់ ចាន់ អនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ បានចុះត្រួតពិនិត្យការងារកសិកម្ម រុក្ខាប្រមាញ់ និងនេសាទ ក្នុងខេត្តកំពង់ឆ្នាំង។
ក្នុងសកម្មភាពទាំងនោះ រួមមាន៖
១-ដំណាំស្រូវរដូវវស្សា អនុវត្តនបាន ១២៧ ៦៩១ហ.ត នៃផែនការ១២២ ០០០ ហ.ត ស្មើ នឹង ១០៤,៦៦% និងការប្រមូលផលស្រូវស្រាលដេីមរដូវវស្សាបានចំនួន១២៧ ៤៨ហ.តស្មេីនឹង១០%នៃផ្ទៃអនុវត្តបានទិន្នផល៣.៥៤២តោន/ហ.ត ដំណាំស្រូវក្នុងខេត្តកំពង់ឆ្នាំងមានការលូតលាស់ល្អ និងពុំមានទឹកជំនន់ខូចខាតដំណាំស្រូវទេ។
២-កាងារវារីវប្បកម្មចិញ្ចឹមត្រី ប្រភេទត្រីប្រាចំនួន២០០០០ក្បាល ស្ថិតនៅភូមិសិរី ឃុំខុនរ៉ង ស្រុកបរិបូណ៌ ខេត្តកំពង់ឆ្នាំ។
៣-ចុះពិនិត្យកសិដ្ឋានចិញ្ចឹមទា មានចំនួន១៣០០០ក្បាល ស្ថិតនៅក្នុងភូមិត្រពាំងចាន់ ឃុំត្រពាំងចាន់ ស្រុកបរិបូរណ៍ ខេត្តកំពង់ឆ្នាំង។
៤-ចុះ ពិនិត្យ កសិដ្ឋានចិញ្ចឹមមាន់ចំនួន១២០០០ក្បាល ស្ថិតនៅក្នុងភូមិក្រាំងតាមុំ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង។
៥-ចុះ ពិនិត្យ បណ្ដុំចិញ្ចឹមាន់ស្រែ ចំនួន៦០០ក្បាលស្ថិតនៅក្នុងភូមិកញ្ជោង ឃុំច្រេស ស្រុកកំពង់ត្រឡាច និង៦-ការដាំបន្លែក្នុងផ្ទះសំណាញ់ ស្ថិតនៅក្នុងភូមិអូ ឃុំច្រេស ស្រុកកំពង់ត្រឡាច ខេត្តកំពង់ឆ្នាំង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។