បើករថយន្តលឿន បុកម៉ូតូចំពេញទំហឹង ស្លាប់ម្នាក់ របួសធ្ងន់ម្នាក់ នៅលើផ្លូវជាតិលេខ៦
ខេត្តកំពង់ធំ៖ ករណីគ្រោះថ្នាក់ចរាចរណ៍មួយ រវាងរថយន្ត បុកម៉ូតូពេញទំហឹង បណ្តាលឲ្យមនុស្សម្នាក់ ស្លាប់ និងម្នាក់ទៀត របួសធ្ងន់។ ហេតុការណ៍នេះ បានកើតឡើងកាលពីរសៀល ថ្ងៃទី២៦ ខែតុលា ឆ្នាំ២០២០ នៅលើផ្លូវជាតិលេខ៦ ក្នុងភូមិពុកយុគ សង្កាត់ស្រយូវ ក្រុងស្ទឹងសែន ខេត្តកំពង់ធំ។
សមត្ថកិច្ច បានឲ្យដឹងថា រថយន្តបង្ក ម៉ាកលុចស៊ីស RX 300 ពណ៌ទឹកមាស ពាក់ផ្លាកលេខ ភ្នំពេញ2AP- 8385 ទិសដៅពីត្បូងទៅជើង លុះទៅចំណុចខាងលើ បានបុកយ៉ាងេញទំហឹងនឹងម៉ូតូ១គ្រឿង ម៉ាកហុងដា ពណ៌ខ្មៅ ផ្លាកលេខ កំពង់ធំ1D-7936 ទិសដៅស្របគ្នា បណ្តាលឲ្យមានមនុស្សស្លាប់នឹងរបួសតែម្តង។
ជនរងគ្រោះឈ្មោះ សាំង លីដា ភេទស្រី អាយុ១៥ឆ្នាំ ជាសិស្ស រស់នៅភូមិម្នាវ សង្កាត់ស្រយូវ ក្រុងស្ទឹងសែន ខេត្តកំពង់ធំ (របួសធ្ងន់) និងអ្នករួមដំណើរម្នាក់ឈ្មោះ ឈឿន ស្រីនិច ភេទស្រី អាយុ១៥ឆ្នាំ ជាសិស្ស បានស្លាប់នៅកន្លែងកើតហេតុ (មិនពាក់មួកសុវត្តិភាព)។
ក្រោយពេលកើតហេតុ សមត្ថកិច្ចបានចុះវាស់វែង និងធ្វើកំណត់ហេតុយករថយន្ត និងម៉ូតូ ទៅរក្សាទុកនៅស្នងការដ្ឋាននគរបាលខេត្ត ដោះស្រាយបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។