ឯកឧត្តម គួច ចំរើន ចែកកូនត្រី ២៩.០០០ក្បាល និងកូនមាន់ ១.១០០ក្បាល ដល់ប្រជាកសិករ
ខេត្តព្រះសីហនុ៖ កាលពីថ្ងៃទី២៧ ខែតុលា ឆ្នាំ២០២០ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញជាអធិបតីក្នុងពិធីចែកកូនត្រីចំនួន២៩.០០០ក្បាល និងកូនមាន់ចំនួន១.១០០ក្បាល ដល់ប្រជាកសិករ ដែលរៀបចំឡើងដោយមន្ទីរកសិកម្ម តាមកម្មវិធីចែកធាតុចូលកសិកម្មគាំទ្របណ្តុំអាជីវកម្មចិញ្ចឹមមាន់ និងត្រី របស់កម្មវិធីផ្សព្វផ្សាយបច្ចេកទេសកសិកម្មថ្មី ដែលធន់ទៅនឹងការប្រែប្រួលអាកាសធាតុ (ASPIRE) ។
លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីនហុ បានអោយដឹងថា កម្មវិធីចែកកូន មាន់និងកូនត្រីដល់ប្រកសិករនៅថ្ងៃនេះធ្វើនៅឃុំសាមគ្គី ស្រុកព្រៃនប់ និងព្រមពេលជាមួយគ្នានេះក៏មានការចែកកូនមាន់ និង កូនត្រី នៅស្រុកកំពង់សិលាផងដែរ។
លោកប្រធានមន្ទីរខាងលើ បានបញ្ជាក់ថា ប្រជាពលរដ្ឋដែលត្រូវទទួលបាន កូនត្រីនិងកូនមាន់នៅថ្ងៃនេះមានចំនួន១៣៤គ្រួសារ ដោយនៅកន្លែងប្រារព្វពិធី មកពីបួនឃុំមានចំនួន១១៦គ្រួសារនិង១៨គ្រួសារទៀតចែកនៅស្រុកកំពង់សិលា បន្ទាប់ពីកម្មវិធីដូចគ្នានេះបានចែករួចចំនួន៤៧គ្រួសារនៅស្រុកស្ទឹងហាវរួចមក ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។