ខឹងឪពុកមិនធ្វើម្ហូប ទាញដំបងឈើវាយក្បាលរងរបួសធ្ងន់
ខេត្តឧត្តរមានជ័យ៖ បុរសម្នាក់ ត្រូវសមត្ថកិច្ចឃាត់ខ្លួន ក្រោយប្រើហិង្សាដោយចេតនា ដោយវាយឱពុកបង្កើតនឹងដំបងឈើ បណ្ដាលឲ្យរងរបួសផ្នែកក្បាលយ៉ាងធ្ងន់ធ្ងរត្រង់ ព្រោះខឹងឪពុកមិនធ្វើម្ហូប។ ហេតុការណ៍នេះ បានបង្កឲ្យមានភ្ញាក់ផ្អើល កាលពីយប់ ថ្ងៃទី២៦ ខែតុលា ឆ្នាំ២០២០ ក្នុងភូមិគោកកី ឃុំបេង ស្រុកបន្ទាយអំពិល ខេត្តឧត្តរមានជ័យ។
ជនសង្ស័យឈ្មោះ ធៀន ផល ភេទប្រុស អាយុ៣៣ឆ្នាំ រីឯជនរងគ្រោះ ឈ្មោះ ដុក ធៀន ភេទប្រុស អាយុ៦៨ឆ្នាំ (ជាឪពុកបង្កើតជនសង្ស័យ)។ ក្រោយពេលកើតហេតុជនរងគ្រោះ ត្រូវបានបញ្ជូនទៅមន្ទីរពេទ្យ និងបានប្រគល់ថវិកាមួយចំនួនដល់ជនរងគ្រោះផងដែរ។
បច្ចុប្បន្នជនដៃដល់ កំពុងឃាត់ខ្លួននៅអធិការដ្ឋាន ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។