ឃាត់ខ្លួនប្រុសស្រី ៣នាក់ ដកហូតគ្រឿងញៀន១៣កញ្ចប់ នៅស្រុកបាណន់
ខេត្តបាត់ដំបង៖ នគរបាលស្រុកបាណន់ បានបង្ក្រាបករណីរក្សាទុក ជួញដូរ ឬដឹកជញ្ជូនដោយខុសច្បាប់នូវសារធាតុញៀន កាលពីថ្ងៃទី០៣ខែ វិច្ឆិកា ឆ្នាំ២០២០ នៅចំណុចភូមិព្រៃផ្តៅ ឃុំតាគ្រាម ស្រុកបាណន់ ខេត្តបាត់ដំបង ដោយឃាត់ខ្លួនជនសង្ស័យចំនួន ០៣នាក់។
ជនសង្ស័យទាំង៣នាក់នោះ ឈ្មោះ វឹម ណារ៉ូ ភេទប្រុស អាយុ២៧ឆ្នាំ, ឈ្មោះ ម៉ង់ ម្លិះ ភេទស្រី អាយុ១៨ឆ្នាំ និងឈ្មោះ ហុន គឹមហុងហៅយ៉ា ភេទស្រី អាយុ១៧ឆ្នាំ។ ចំណែកវត្ថុតាងដកហូរបាន៖ គ្រឿងញៀនប្រភេទមេតំហ្វេតាមីនចំនួន ១៦ថង់ ទម្ងន់២,៣៨ក្រាម និងទូរស័ព្ទដៃ០២គ្រឿង។
បច្ចុប្បន្នជនសង្ស័យខាងលើ ត្រូវបាននគរបាលស្រុកបានបញ្ជូនទៅកាន់ការិយាល័យជំនាញ ដើម្បីរៀបចំបញ្ជូនទៅសាលាដំបូងខេត្តបាត់ដំបង ដើម្បីចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។