ដកហូតគ្រឿងញៀន ២០កញ្ចាប់ ឃាត់ខ្លួនមនុស្ស៤នាក់ នៅខណ្ឌមានជ័យ
ភ្នំពេញ៖ យ៉ាងហោចណាស់មនុស្សប្រុសស្រីចំនួន ៤នាក់ ត្រូវបានកម្លាំងនគរបាលខណ្ឌមានជ័យ ឃាត់ខ្លួនបានកាលពីវេលាម៉ោង១១យប់ ថ្ងៃទី០៤ ខែវិច្ឆិកា ឆ្នាំ២០២០ ពាក់ព័ន្ធករណីសង្ស័យជួញដូរគ្រឿងញៀនចំនួន ២០កញ្ចប់តូចធំ។
នគរបាលខណ្ឌមានជ័យ បានឲ្យដឹងថា ជនសង្ស័យទាំង៤នាក់នោះ ទី១.ឈ្មោះ សុខ លីន ភេទប្រុស អាយុ៣៩ឆ្នាំ ជនជាតិខ្មែរ, ទី២.ឈ្មោះ ហុង បូរី ភេទស្រី អាយុ២០ឆ្នាំ ជនជាតិខ្មែរ, ទី៣.ឈ្មោះ វ៉ាន់ ធី ភេទប្រុស អាយុ១៨ឆ្នាំ ជនជាតិខ្មែរ និងទី៤.ឈ្មោះ ហ៊ិន សុបិន ភេទប្រុស អាយុ៣២ឆ្នាំ ជនជាតិខ្មែរ។
ចំណែកវត្ថុតាងដកហូតបាន ក្រាមពណ៌សរថ្លារចំនួន ២០កញ្ចាប់ (មាន១០ថង់ធំ) ឧបករណ៍សំរាប់ប្រើប្រាស់គ្រឿងញៀនមួយចំនួន ទូរស័ព្ទដៃចំនួន០២គ្រឿង ម៉ូតូ០១គ្រឿង។ បច្ចុប្បន្នជនសង្ស័យទាំង៤នាក់ ត្រូវបាននគរបាល កសាងសំណុំរឿង ដើម្បីចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។