ឃើញទឹកស្រកទៅបង់ត្រី មិនប្រយ័ត្នរអិលជើងចូលទឹកគួច បណ្តាលឲ្យលង់ស្លាប់
ខេត្តបន្ទាយមានជ័យ៖ បុរសម្នាក់ បានទៅបង់ត្រីនៅពេលទឹកសម្រក ខណៈទឹកទឹកកំពុងហូរខ្លាំង ក៏រអិលជើងចូលទឹកគួច បណ្តាលឲ្យលង់ស្លាប់តែម្តង។ ករណីនេះ បានបង្កឲ្យមានការភ្ញាក់ផ្អាល់ឡើង នៅវេលាម៉ោង៤ និង៣០នាទីទៀបភ្លឺ ថ្ងៃទី១៦ ខែវិច្ឆិកា ឆ្នាំ២០២០ នៅចំណុចប្រឡសយមុខបួន ភូមិព្រហូត សង្កាត់អូអំបិល ក្រុងសិរីសោភ័ណ។
នគរបាលក្រុងសិរីសោភ័ណ បានឲ្យដឹងថា ជនរងគ្រោះឈ្មោះ ធុន ចិត្រា ហៅចិត ភេទប្រុស អាយុ៣២ឆ្នាំ មានទីលំនៅនៅភូមិ២ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
ក្រោយពេលកើតហេតុ អាជ្ញាធរមូលដ្ឋាន និងអ្នកភូមិ បានចុះមុជរាវរកឃើញសព និងប្រគល់ជូនសាច់ញាតិយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។