ក្មេងទំនើង១ក្រុម ត្រូវសមត្ថកិច្ចឃាត់ខ្លួន ករណីវាយកាប់ចាក់គ្នា បណ្តាលឲ្យរបួសធ្ងន់ម្នាក់ នៅក្រុងខេរភូមិន្ទ
ខេត្តកោះកុង៖ កាលពីយប់រំលងអាធ្រាតឈានចូល ថ្ងៃទី១៦ ខែតុលា ឆ្នាំ២០២០ កម្លាំងនគរបាលក្រុងខេមរភូមិន្ទ បានបង្ក្រាបករណីក្មេងទំនើង ២ក្រុម ធ្វើសកម្មភាពវាយកាប់ចាក់គ្នា នៅចំនុចសួនច្បារមាត់សមុទ្រ ក្នុងភូមិ១ សង្កាត់ស្មាច់មានជ័យ ក្រុងខេមរភូមិន្ទ បណ្តាលឲ្យរងរបួសធ្ងន់ម្នាក់។
ជនរងគ្រោះឈ្មោះ សៀង ភុក ភេទប្រុស អាយុ២០ឆ្នាំ រីឯជនសង្ស័យចំនួន ៣នាក់ មានឈ្មោះ រតនា សុជាតិ ភេទប្រុស អាយុ១៩ឆ្នាំ មុខរបរកម្មករ មានទីលំនៅភូមិ៤ សង្កាត់ដងទង់ ក្រុងខេមរភូមិន្ទ, ឈ្មោះ ម៉ាន់ ឆេងភីលត់ ភេទប្រុស អាយុ១៩ឆ្នាំ មុខរបរមិនពិតប្រាកដ ទីលំនៅភូមិ ២ សង្កាត់ដងទង់ ក្រុងខេមរភូមិន្ទ និងឈ្មោះ វ៉ាន់ សុភាព (ហៅឈ) ភេទប្រុស អាយុ១៧ឆ្នាំ មុខរបរមិនពិតប្រាកដ ទីលំនៅភូមិ១ សង្កាត់ដងទង់ ក្រុងខេមរភូមិន្ទ។
ករណីនេះ កម្លាំងជំនាញ បានបំពេញសំណុំរឿងដើម្បីចាត់ការជនសង្ស័យ តាមនីតិវិធីបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។