ចាប់មេក្លោងចែកចាយគ្រឿងញៀនម្នាក់ និងដកហូតអាវុធAK ១ដើម
កោះកុង៖ កាលពីថ្ងៃទី១៦ ខែវិច្ឆិកា ឆ្នាំ២០២០ កម្លាំងអធិការដ្ឋាននគរបាលស្រុកស្រែអំបិល បានអនុវត្តន៍តាមដីកាបង្គាប់ឲ្យចាប់ខ្លួនជនសង្ស័យម្នាក់ ដែលចុះថ្ងៃទី៣០ ខែធ្នូ ឆ្នាំ២០១៩ របស់សាលាដំបូងខេត្តកោះកុង ជាប់ចោទពីបទជួញដូរចែកចាយគ្រឿងញៀន។
សមត្ថកិច្ចបានឲ្យដឹងថា ជនសង្ស័យខាងលើ ឈ្មោះ ផន ចិត្រា ភេទប្រុស អាយុ៣២ឆ្នាំ ជនជាតិខ្មែរ ជាប់ចោទពីបទជួញដូរចែកចាយគ្រឿងញៀនខុសច្បាប់ ប្រព្រឹត្តិនៅចំនុចភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង។
ប្រតិបត្តិការនេះដែរ កម្លាំងជំនាញ បានដកហូតវត្ថុតាង៖ អាវុធAKចាស់ ១ដើម មានចំនួន ១៦គ្រាប់, អាវុធកែច្នៃចំនួន ២ដើម, ម្សៅក្រាមសថ្លា ១កញ្ចប់, ឧបករណ៍ និងសម្ភារៈសម្រាប់ជក់ថ្នាំញៀនមួយចំនួន។
បច្ចុប្បន្នជនសង្ស័យ ត្រូវបានសមត្ថកិច្ចជំនាញ បញ្ជូនខ្លួនទៅសាលាដំបូងខេត្តកោះកុង ដើម្បីចាត់ការតាមនិតិវិធីច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។