នគរបាលខេត្តបាត់ដំបង បង្ក្រាបគ្រឿងញៀន ចាប់ខ្លួនជនសង្ស័យម្នាក់
ខេត្តបាត់ដំបង៖ កាលពីល្ងាច ថ្ងៃទី១៩ខែ វិច្ឆិកា ឆ្នាំ២០២០ កម្លាំងនគរបាលខេត្តបាត់ដំបង បានចុះប្រតិបត្តិការបង្ក្រាបករណីគ្រឿងញៀន នៅចំណុចមុខរោងចក្រក្រ ចៅ ក្នុងភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង ដោយឃាត់ខ្លួនជនសង្ស័យម្នាក់។
ក្នុងប្រតិបត្តិការនេះ នគរបាលជំនាញ បានឃាត់ខ្លួនជនសង្ស័យម្នាក់ ឈ្មោះ ជិន វិចិត្រ ភេទប្រុស អាយុ៤១ឆ្នាំ មានទីលំនៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង។ រីឯវត្ថុតាងចាប់យក រួមមាន៖ ម្សៅក្រាមពណ៌សថ្លា ច្រកក្នុងថង់ផ្លាស្ទិច ពណ៌សថ្លាចំនួន៣ថង់ ទម្ងន់៧៦.៩៧ក្រាម និងទូរស័ព្ទដៃចំនួន ១គ្រឿង។
បច្ចុប្បន្នជនសង្ស័យ ត្រូវបានកម្លាំងជំនាញ កសាងសំណុំរឿងបញ្ជូនទៅស្នងការដ្ឋាននគរបាលខេត្ត ដើម្បីចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។