ផ្ទះមួយខ្នង ត្រូវអគ្គិភ័យលេបអស់ទាំងស្រុង នៅក្រុងបាត់ដំបង
ខេត្តបាត់ដំបង៖ កាលពីព្រឹក ថ្ងៃទី១៩ ខែវិច្ឆិកា ឆ្នាំ២០២០ មានគ្រោះអគ្គិភ័យមួយបានលេបត្របាក់ផ្ទះពលរដ្ឋ១ខ្នងអស់ទាំងស្រុង ក្នុងភូមិចំការឫស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ដែមានម្ចាស់ឈ្មោះ ពិន សម្បត្តិ ភេទស្រី អាយុ៦៧ឆ្នាំ។
ជុំវិញគ្រោះអគ្គិភ័យនេះ មិនបានបណ្តាលឱ្យរងគ្រោះថ្នាក់ដល់មនុស្សនោះទេ ប៉ុន្តែលំនៅដ្ឋានទំហំបណ្តោយ១៥ម៉ែត្រ និងទទឹង០៨ម៉ែត្ររួមទាំងទ្រព្យសម្បត្តិ ត្រូវអគ្គិភ័យលេបត្របាក់អស់ទាំងស្រុង។ ជនរងគ្រោះ សន្និដ្ឋានថា អាចបណ្តាលពីការឆ្លងចរន្តអគ្គិសនី។
ករណីឆាបឆេះនេះ កម្លាំងនគរបាលខេត្តបាត់ដំបង អន្តរាគមន៍បាញ់ពន្លត់អគ្គិភ័យនេះ រហូតដល់អគ្គិភ័យត្រូវបានរលត់ទាំងស្រុង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។