បាឡែន និងដូហ្វីន ១០០ក្បាល ងាប់នៅតំបន់កោះដាច់ស្រយាល ភាគខាងកើតប្រទេស New Zealand
ក្រុមន្ត្រីបានឲ្យដឹងថា ត្រីបាឡែននិងត្រីដូហ្វីនប្រមាណ១០០ក្បាលបានងាប់ក្បែរៗគ្នា នៅតំបន់កោះដាច់ស្រយាល Chatham Islands មានចម្ងាយប្រមាណ៨០០គីឡូម៉ែត្រ ពីឆ្នេរភាគខាងកើតប្រទេស New Zealand ។ ភាគច្រើននៃត្រីទាំងនេះបានជាប់គាំង កាលពីចុងសប្តាហ៍ ប៉ុន្តែក្រុមសង្គ្រោះពិបាកជួសង្គ្រោះ ដោយសារតែតំបន់នៅឆ្ងាយពេក។
នាយកដ្ឋានអភិរក្សរបស់ប្រទេសនេះបានឲ្យដឹងថា ត្រីបាឡែនសរុប៩៧ក្បាលបានងាប់ ខណៈត្រីដូហ្វីនមាន៣ក្បាល ប៉ុន្តែមាន២៦ក្បាលនៅមានជីវិត ស្ថិតក្នុងសភាពខ្សោយ ហើយមូលហេតុបណ្តាលពីលក្ខខណ្ឌទឹកសមុទ្រ។
កាលពីចុងខែកញ្ញា ២០២០ ក៏មានត្រីបាឡែនរាប់រយក្បាលបានងាប់ ក្នុងទឹករាក់នៃឆ្នេរប្រទេសអូស្ត្រាលី ហើយត្រូវបានចាត់ទុកថាជាការងាប់ដ៏ច្រើនមួយ ក្នុងពិភពលោក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។