១សប្តាហ៍ទៀត! ពលរដ្ឋក្នុងទ្វីបអឺរ៉ុប នឹងចាក់វ៉ាកសាំងកូវីដ១៩
និយ័តករឱសថអឺរ៉ុប នៅថ្ងៃចន្ទទី ២១ ធ្នូនេះ នឹងធ្វើការវាយតម្លៃគុណភាព និងប្រសិទ្ធភាពនៃវ៉ាក់សាំង COVID-19 ដែលអភិវឌ្ឍឡើងដោយ ក្រុមហ៊ុនផលិតឱសថអាមេរិក-អាល្លឺម៉ង់ Pfizer-BioNTech ដោយមានការបើកភ្លើងខៀវជាបណ្ដើរៗ ដើម្បីអនុញ្ញាតឲ្យអឺរ៉ុប ចាប់ផ្តើមយុទ្ធនាការចាក់វ៉ាក់សាំងនេះ ក្នុងរយៈពេលមួយសប្តាហ៍ទៀត។
បណ្តាប្រទេសសហភាពអឺរ៉ុបមួយចំនួន រួមមានប្រទេសអាល្លឺម៉ង់, អូទ្រីស និងអ៉ីតាលីតាលីជាដើម បានអះអាងរួចហើយថា ពួកគេគ្រោងនឹងចាប់ផ្តើមយុទ្ធនាការ ចាក់វ៉ាក់សាំង COVID-19 នេះ ចាប់ពីថ្ងៃទី២៧ ខែធ្នូ ឆ្នាំ២០២០នេះតទៅ ខណៈអឺរ៉ុបបានព្យាយាមដើរតាមសហរដ្ឋអាមេរិក និងចក្រភពអង់គ្លេស ដែលបានចាប់ផ្តើមយុទ្ធនាការចាក់វ៉ាក់សាំង តាំងតែពីដើមខែធ្នូមកម្ល៉េះ។
ប្រសិនបើការទទួលអនុញ្ញាតផ្លូវការ ពីទីភ្នាក់ងារឱសថអឺរ៉ុប (EMA) ត្រូវបានផ្តល់ឲ្យនោះ គណៈកម្មការអឺរ៉ុបនឹងក្លាយជាអ្នក ធ្វើការសម្រេចចុងក្រោយ ដែលត្រូវបានគេរំពឹងថា នឹងអនុម័តនៅថ្ងៃពុធសប្ដាហ៍នេះតែម្តង៕
នៅ
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។