ផ្ទុះហ្គាស ឆេះផ្ទះមួយលែ្វង របួសមនុស្ស៥នាក់ នៅខណ្ឌ៧មករា
ភ្នំពេញ៖ មនុស្សយ៉ាងហោចណាស់ចំនួន ៥នាក់ បានរបួសធ្ងន់ស្រាល ក្នុងហេតុការណ៍ផ្ទុះហ្គាស កាលពីវេលាម៉ោងជាង១០យប់ ថ្ងៃទី២២ ខែធ្នូ ឆ្នាំ២០២០ ក្នុងភូមិ០៤ សង្កាត់វាលវង់ ខណ្ឌ៧មករា រាជធានីភ្នំពេញ។
អាជ្ញាធរខណ្ឌ៧មករា បានឲ្យដឹងថា មា្ចស់ទីតាំងឈ្មោះ ម៉ៅ រ័ត្នដារ៉ា ភេទប្រុស អាយុ៥៥ឆ្នាំ ជនជាតិខ្មែរ មុខរបមន្រី្តនគរបាល ជាម្ចាស់ផ្ទះលែ្វងថ្មបេងតុង ជាន់ទី០១ ទំហំ ៣ម៉ែត្រ x ៦ម៉ែត្រ បណ្តាលឲ្យខូចខាតសម្ភារបន្ទប់ជាន់ទី០១ ទំហំ ០៣ម៉ែត្រx០៦ម៉ែត្រ. បណ្តាលឲ្យមានរបួសមនុស្សធ្ងន់ស្រាលចំនួន ៥នាក់។
ករណីនេះដែរ កម្លាំងសមត្ថិច្ចជំនាញ បានប្រើរថយន្តការិយាល័យអគ្គិភ័យចំនួន៧គ្រឿង ប្រើប្រាស់ទឹកអស់ចំនួន ៥ឡាន និងមានរថយន្តជំនួយអូឡាំព្យាចំនួន០១គ្រឿង ប្រើប្រាស់ទឹកអស់០១ឡាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។