ផ្ទុះស៊ីទែនប្រេង ឆក់យកជីវិតកម្មករម្នាក់ ខណៈកំពុងជួសជុលទូក
ខេត្តព្រះសីហនុ៖ កម្មករម្នាក់ បានស្លាប់ភ្លាមៗ នៅកន្លែងកើតហេតុ ដោយសារផ្ទុះស៊ីទែនប្រេង ខណៈពេលកំពុងជួសជុលទូក។ ហេតុការណ៍នេះ កើតឡើងនៅវេលាម៉ោង៧ព្រឹក ថ្ងៃទី២៥ ខែធ្នូ ឆ្នាំ២០២០ នៅចំណុចអ៊ូទូក ក្នុងក្រុមទី១ ភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ។
ជនរងគ្រោះ ឈ្មោះ ញ៉ិល សំណាង ភេទប្រុស អាយុ២២ឆ្នាំ មុខរបរកម្មករ ស្នាក់នៅកន្លែងកើតហេតុ ស្រុកកំណើតភូមិរកាថ្មី ឃុំស្រែសំរោង ស្រុកជុំគិរី ខេត្តកំពត។
ក្រោយពេលកើតហេតុ កម្លាំងសមត្ថកិច្ចជំនាញ បានចុះពិនិត្យ និងកំពុងធ្វើការស្រាវជ្រាវបន្តរកមូលហេតុនៃការផ្ទុះនេះផង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។