ពិភពលោកមានអ្នកឆ្លងកូវីដ១៩ ជាង៨១ លាននាក់ ស្លាប់១,៧៧លាននាក់, ប្រធានាធិបតីពូទីនប្រកាសចាក់វ៉ាក់សាំង
គេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានការកើតឡើងខ្ពស់ទាំងអ្នកឆ្លងនិងអ្នកស្លាប់ ។ គិតត្រឹមម៉ោង ៨ព្រឹកថ្ងៃចន្ទ ទី២៨ ខែធ្នូ ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ៨១,១៣៣,៨២៤នាក់ហើយ។ ក្នុងនោះអ្នកស្លាប់មានចំនួន ១,៧៧១,៤២៤នាក់ និងជាសះស្បើយឡើងវិញ ៥៧,២៨១,៥២៩នាក់។
សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ១៩, ៥៧៣,៨៤៧នាក់ ស្លាប់ចំនួន ៣៤១,១៣៨នាក់ និងជាសះស្បើយចំនួន ១១,៤៩៥,៨៧៥នាក់។
ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសឥណ្ឌា។ ឥណ្ឌាមានអ្នកឆ្លង ១០,២០៨,៧២៥នាក់ ស្លាប់ចំនួន ១៤៧,៩៤០នាក់ និងជាសះស្បើយ ៩,៧៨១,៩៤៥នាក់។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល។ ប្រេស៊ីល មានអ្នកឆ្លង ៧,៤៨៤,២៨៥នាក់ ស្លាប់ ១៩១,១៤៦នាក់ និងជាសះស្បើយ ៦,៥១៥,៣៧០នាក់។
សារព័ត៌មានChannel News Asia បានដកស្រង់សំដីអ្នកនាំពាក្យវិមានប្រធានាធិបតិរុស្ស៊ីបាន បញ្ជាក់នៅថ្ងៃទី២៧ខែធ្នូថា ប្រធានាធិបតីពូទីនបានសម្រេចចាក់វ៉ាក់សាំង ប្រឆាំងកូវីដ១៩ ផលិតដោយប្រទេសរុស្ស៊ីផ្ទាល់គឺ វ៉ាក់សាំងSputnik V ។
អ្នកនាំពាក្យប្រធានាធិបតីលោកPeskov បានបញ្ជាក់ថា« ប្រធានាធិបតីពូទីនបានសម្រេចចាក់វ៉ាក់សាំង កូវីដ១៩ ហើយពេលនេះរងចំ ការរៀបចំពីសមណាក់ក្រុមជំនាញ។
រដ្ឋាភិបាលរុស្ស៊ីបានចាប់ផ្តើមចាក់វ៉ាក់សាំង ប្រឆាំងកូវីដ១៩ដល់ពលរដ្ឋតាំងពីដើមខែធ្នូ ដោយពេលដំបូងចាក់ជូនពលរដ្ឋ ងាយឆ្លងនៅទីក្រុងមូស្គូ ក្នុងនោះមានក្រុមគ្រូពេទ្យ។ កន្លងមកប្រធានាធិបតីពូទីនបានបញ្ជាក់ថាវ៉ាក់សាំងប្រឆាំងកូវីដ១៩ ផលិតដោយប្រទេសរុស្ស៊ី គឺមានប្រសិទ្ធភាពនិងសុវត្ថិភាព។ ប្រធានាធិបតីរុស្ស៊ីបានធញវើការពីចម្ងាយតាំងពីការឆ្លងកូវីដ១៩ រហូតមកទល់ពេលនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។