វារីវប្បកម្ម ជួយលើកកម្ពស់ជីវភាពសហគមន៍មូលដ្ឋាន និងកាត់បន្ថយនូវសម្ពាធ ទៅលើផលស្ដុកធនធានជលផលនៃទន្លេមេគង្គ
ខេត្តក្រចេះ៖ វារីវប្បកម្ម បានជួយលើកកម្ពស់ជីវភាពសហគមន៍មូលដ្ឋាន និងកាត់បន្ថយនូវសម្ពាធទៅលើផលស្ដុកធនធានជលផល នៃទន្លេមេគង្គ។ តាំងពីខែកុម្ភៈ ឆ្នាំ២០២០ អង្គការ WWF បានចាប់ផ្ដើមគម្រោងវារីវប្បកម្ម ដោយមានការចិញ្ចឹមត្រីក្នុងស្រះជីក រណ្ដៅស៊ីម៉ង និងតង់នៅភូមិចំនួន ១០ ក្នុង ខេត្តក្រចេះ ដែលមានគ្រួសារចំនួន ៤៧ បានអនុវត្តការចិញ្ចឹមត្រីនេះ។
ក្រុម ការងារអង្គការ WWF និងរដ្ឋបាលជលផលខេត្តក្រចេះ បានចុះត្រួតពិនិត្យការចិញ្ជឹមត្រីរបស់កសិករចំនួន ១៩គ្រួសារ ក្នុងភូមិគោលដៅ ចំនួន៥ នៅពាក់កណ្តាលខែធ្នូនេះ ហើយបានកត់សម្គាល់ឃើញថា ការចិញ្ចឹមត្រីរបស់ប្រជាពលរដ្ឋ មានការវិវត្តដ៏ល្អប្រសើរ។ មុខរបរចិញ្ចឹមត្រី បានបន្ថែមប្រាក់ចំណូលដល់គ្រួសារទាំងនេះ ជាមធ្យម ១០០ដុល្លារក្នុងមួយវគ្គ ដែលមានរយៈពេល៣ខែ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។