អ្នកជំងឺកូវីដ១៩ ពាក់ព័ន្ធនឹងព្រឹត្តិការណ៍ សហគមន៍ ២៨វិច្ឆិកា ម្នាក់ទៀត ជាសះស្បើយ ខណៈគ្មានអ្នកឆ្លងថ្មីនោះទេ
ភ្នំពេញ៖ នៅព្រឹកថ្ងៃទី៣០ ខែធ្ធ្នូ ឆ្នាំ២០២០ នេះ ក្រសួងសុខាភិបាល បានប្រកាសថា កម្ពុជា មានអ្នកជំងឺម្នាក់ទៀត បានជាសះស្បើយ ត្រូវបានអនុញ្ញាតឲ្យចេញពីមន្ទីរពេទ្យ គឺជាបុរសជនជាតិខ្មែរ អាយុ៣៧ឆ្នាំ ស្នាក់នៅសង្កាត់បឹងកក់២ ខណ្ឌទួលគោក រាជធានីភ្នំពេញ បានទៅហាង Zando សាខាបឹងកេងកង កាលពីយប់ថ្ងៃទី២៨ ខែវិច្ឆិកា ឆ្នាំ២០២០ ខណៈគ្មានអ្នកឆ្លងថ្មី ។
សូមជម្រាបថា គិតត្រឹមព្រឹកថ្ងៃទី៣០ ខែធ្នូ ឆ្នាំ២០២០នេះ កម្ពុជា រកឃើញអ្នកឆ្លងជំងឺកូវីដ១៩ សរុបចំនួន៣៦៤នាក់ ក្នុងនោះអ្នកព្យាបាលជាសះស្បើយ ចំនួន៣៦១នាក់ និងអ្នកជំងឺ៣នាក់កំពុងសម្រាកព្យាបាលនៅមន្ទីរពេទ្យ ហើយសម្រាប់អ្នកជាប់ពាក់ព័ន្ធព្រឹត្តិការណ៍ «សហគមន៍២៨វិច្ឆិកា» វិញ រកឃើញវិជ្ជមានចំនួន ៤១នាក់ ក្នុងនោះបានជាសះស្បើយ៣៩នាក់ និង២នាក់ទៀតកំពុងសម្រាកនៅមន្ទីរពេទ្យ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។