ខ្យល់កន្ត្រាក់! វាយប្រហារផ្ទះជាង ២០ខ្នង នៅស្រុកព្រៃនប់
ខេត្តព្រះសីហនុ៖ ខ្យល់កន្ត្រាក់ កាលពីយប់ ថ្ងៃទី៣០ ខែធ្នូ ឆ្នាំ២០២០ ម្សិលមិញ បានធ្វើឲ្យផ្ទះប្រជាពលរដ្ឋជាង ២០ខ្នង រងការខូចខាតយ៉ាងដំណំ នៅឃុំទឹកថ្លា ស្រុកព្រៃនប់ ខេត្តព្រះសីហនុ។
អាជ្ញាធរមូលដ្ឋាន បានបញ្ជាក់ថា ដោយសារនេះ ជារដូវខ្យល់ធ្លាក់ពីជើងភ្នំកំចាយ ដែលតែងវាយប្រហារមកលើឃុំមួយចំនួន តាមផ្លូវជាតិលេខ៣ (វាលរេញ-កំពត) ស្ទើរតែរាល់ឆ្នាំ ដោយគ្រាន់តែឆ្នាំខ្លះធ្ងន់ធ្ងរ និងឆ្នាំខ្លះមិនសូវធ្ងន់ធ្ងរ។
បើតាមអាជ្ញាធរ ចំពោះស្ថានភាពខ្យល់កន្ត្រាក់នេះ បើនៅតែបន្តកើតមានច្រើនថ្ងៃទៀត ការខូចខាតផ្ទះ ពលរដ្ឋអាចនឹងកើនឡើងបន្ថែមទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។