ក្រុមមុជទឹក បានរកឃើញបំណែកយន្តឥណ្ឌូនេស៊ី ដឹកអ្នកដំណើរ ៦២នាក់ជួបគ្រោះថ្នាក់
ក្រុមជួយសង្គ្រោះ បានរកឃើញបំណែកយន្តហោះBoeing 737-500 របស់ក្រុមហ៊ុន Sriwijaya Air ដឹកអ្នកដំណើរ៦២នាក់ បានធ្លាក់កាលពីថ្ងៃ៩ខែមករាក្រោយហោះហើរបាន៤នាទីប៉ុណ្ណោះ ។ ក្រុមអ្នកមុជទឹកបានរកឃើញ បំណែកក្រោមបាតសមុទ្រជម្រៅ២៣ម៉ែត្រ។
កាលពីថ្ងៃទី ៩ ខែមករាយន្តហោះប្រភេទប៊ូអ៊ីង ៧៣៧ ដែលមានលេខ ហោះហើ SJ១៨២ របស់ក្រុមហ៊ុនអាកាសចរណ៍ Sriwijaya បានចាកចេញពីទីក្រុងហ្សាការតាទៅកាន់ទីក្រុង Pontianak ក្នុងខេត្ត West Kalimantan ក៏បាតខ្លួន។
នៅលើជើងហោះហើ(ព្រហ្មលិខិត)មានអ្នកដំណើរ៥៦នាក់ ក្នុងនោះមានកុមារ៧នាក់ ទារក៣នាក់ អាកាសយានិក២នាក់ និងអ្នកបម្រើការលើយន្តហោះ៤នាក់។ នៅអាកាសយានដ្ឋានអន្តរជាតិ Supadio សាច់ញាតិអ្នកដំណើររងគ្រោះលើជើងហោះហើរខាងលើដើម្បីតាមដានព័ត៌មាន ដោយសង្ឃឹមថារកឃើញសាកសព ។ សាចញាតិ ទ្រហោយំនៅអាកាសយានដ្ឋានដោយសារតែការបាត់បង់មនុស្សជាទីស្រឡាញ់របស់ខ្លួន។
លោក Muhammad Haekal ដែមានបងជីដូនមួយឈ្មោះAthar Rizki Riawan និងសមាជិកក្នុងគ្រួសារ៤នាក់ នៅលើជើងហោះហើរSJY182 សង្ឃឹមថានឹងរកឃើញសាចញាតិរបស់ខ្លួន បើទោះបីស្លាប់ឬរស់។
លោក Muhammad Haekal និយាយទៅកាន់សារព័ត៌មានChannel News Asia ថា «ខ្ញុំសង្ឃឹមថានឹងរកឃើញសាកសពសាចញាតិរបស់ខ្លួន យកមកធ្វើបុណ្យតាមប្រពៃណី ហើយបញ្ជុះដោយត្រឹមត្រូវ»៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។