រដ្ឋបាលក្រុងពោធិ៍សាត់ ពករដ្ឋអាស្រ័យផលដាំដុះដំណាំផ្សេងៗ លើក្បាលដីរដ្ឋ ត្រូវបញ្ឈប់សកម្មភាពជាបន្ទាន់
ពោធិ៍សាត់៖ រដ្ឋបាលក្រុងពោធិ៍សាត់ ចេញសេចក្តីជូនដំណឹង ជម្រាបជូនដល់លោក លោកស្រី បងប្អូនប្រជាពលរដ្ឋ ដែលបានប្រើប្រាស់ អាស្រ័យផលដាំដុះដំណាំផ្សេងៗ លើក្បាលដីរដ្ឋលេខ ១៥០៥០៦០៣-១៤១៦ ស្ថិតក្នុងភូមិទួលម្កាក់ សង្កាត់រលាប ក្រុងពោធិ៍សាត់ ឱ្យបានជ្រាបថា រដ្ឋបាលខេត្តពោធិ៍សាត់ នឹងចាត់ចែងទីតាំងដីខាងលើនេះ សម្រាប់ធ្វើជាដីសម្បទានសង្គមកិច្ច។
អាស្រ័យហេតុនេះ សូមលោក លោកស្រី ដែលបានប្រើប្រាស់អាស្រ័យផល លើក្បាលដីខាងលើ ត្រូវបញ្ឈប់សកម្មភាពប្រើប្រាស់ជាបន្ទាន់។ រដ្ឋបាលក្រុងនឹងមិនទទួលខុសត្រូវចំពោះផលប៉ះពាល់ ឬការខូចខាតផលដំណាំ នៅពេលដែលរដ្ឋបាលខេត្ត ចាប់ផ្តើមអនុវត្តគម្រោងនេះនោះឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។