ម៉ូតូ និងម៉ូតូ ព្រលះគ្នា របួសធ្ងន់ស្រាល២នាក់ នៅស្រុកកៀនស្វាយ
ខេត្តកណ្តាល៖ យ៉ាងហោចណាស់មនុស្សចំនួន ២នាក់ បានរងរបួសធ្ងន់ស្រាល ក្នុងករណីគ្រោះថ្នាក់រវាងម៉ូតូ១គ្រឿង ព្រលះគ្នាពេញទំហឹង កាលពីថ្ងៃទី១៩ ខែមករា ឆ្នាំ២០២១ លើផ្លូវជាតិលេខ១ ក្នុងភូមិស្ទឹង ឃុំសំរោងធំ ស្រុកកៀនស្វាយ ខេត្តកណ្តាល។
សមត្ថកិច្ចមូលដ្ឋាន បានឲ្យដឹងថា គេឃើញម៉ូតូ១គ្រឿង ម៉ាកZOOMER X ពណ៍ស-ក្រហម ពាក់ស្លាកលេខ កណ្តាល1AE-9476 ជិះគ្នា២នាក់ បើកពីអ្នកលឿងទៅភ្នំពេញ លុះមល់ចំណុចខាងលើ ក៏បានបុកជាមួយម៉ូតូ១គ្រឿង មិនស្គាល់អត្តសញ្ញាណ ទិសដៅស្របគ្នា បណ្តាលឲ្យដួលរងរបួសធ្ងន់ស្រាលតែម្តង។
ក្រោយពេលកើតហេតុ ជនរងគ្រោះត្រូបានបញ្ជូនទៅមន្ទីរពេទ្យ រីឯវត្ថុតាងរក្សាទុកយកទៅនៅអធិការដ្ឋានស្រុកកៀនស្វាយ រងចាំអនុវត្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។