ឆេះឃ្លាំងស្តុកអីវ៉ាន់មួយកន្លែងយ៉ាងសន្ធោសន្ធៅ ទាំងកណ្តាលយប់អាធ្រាត្រ នៅខណ្ឌបឹងកេងកង
ភ្នំពេញ៖ ករណីអគ្គិភ័យមួយ បានឆាបឆេះឃ្លាំងស្តុកអីវ៉ាន់មួយកន្លែងយ៉ាងសន្ធោសន្ធៅ នៅវេលាម៉ោងជាង ១រំលងអាធ្រាត្រ ឈានចូលថ្ងៃទី២៩ ខែមករា ឆ្នាំ២០២១ តាមបណ្តោយផ្លូវ៣៥៨ ក្នុងសង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។
លោកអធិការនគរបាលខណ្ឌបឹងកេងកង បានដឹកកម្លាំងនគរបាលខណ្ឌ ដោយសហការជាមួយកម្លាំងបង្ការពន្លត់អគ្គិភ័យ ជួយពន្លត់ករណីអគ្គិភ័យនេះ។
ទោះជាយ៉ាងនេះក៏ដោយ គេនៅមិនទាន់ដឹងពីទំហំនៃការខូចខាត និងមូលហេតុដែលបណ្តាលឱ្យកើតមានករណីអគ្គិភ័យនេះនៅឡើយទេ ដោយសមត្ថកិច្ចកំពុងតែធ្វើលើកិច្ចការងារនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។