អគ្គិភ័យឆេះឃ្លាំងស្ដុកទំនិញ យប់មិញ! ឆេះស្លាប់មនុស្ស ២នាក់ នៅខណ្ឌបឹងកេងកង
ភ្នំពេញ៖ សមត្ថកិច្ច បានឲ្យដឹងថា ក្នុងហេតុការណ៍អគ្គិភ័យឆេះឃ្លាំងស្ដុកទំនិញ នៅយប់រំលងអាធ្រាត្រ ឈានចូលថ្ងៃទី២៩ ខែមករា ឆ្នាំ២០២១នេះ បានរកឃើញសាកសពមនុស្សចំនួន ២នាក់ នៅចំណុចដីឡូ៍លេខ៥ ភូមិ៤ ផ្លូវ៣៥៨ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។
គួរជម្រាបថា មុនកើតហេតុ គេបានលឺសំលេងផ្ទុះចេញពីឃ្លាំងខាងលើ ហើយក៏ចេញជាអណ្ដាតភ្លើងឆាបឆេះយ៉ាងសន្ធោសន្ធៅ បង្កការភ្ញាក់ផ្អើល ដល់សមត្ថកិច្ច ចេញរថយន្ដពន្លត់អគ្គិភ័យឲ្យជួយអន្ដរាគមន៍តែម្តង។
ករណីនេះ ឃ្លាំងទាំងស្រុង ត្រូវបានខូចខាត ហើយមូលហេតុនៃការឆាបឆេះ មិនទាន់មានការសន្និដ្ឋានបាននោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។