រថយន្តដឹកថ្នាំពេទ្យ ឆ្លងចរន្តអគ្គិសនីឆេះស្ទើអស់ទាំងស្រុង នៅស្រុកកៀនស្វាយ
ខេត្តកណ្តាល៖ រថយន្តដឹកថ្នាំពេទ្យមួយគ្រឿង ខណៈដើរដាក់ឲ្យមូយ ស្រាប់តែឆ្លងចរន្តឆេះ បង្កឲ្យភ្ញាក់ផ្អើលឡើង កាលពីថ្ងៃទី១ ខែកុម្ភះ ឆ្នាំ២០២១ នៅចំនុចផ្លូវប៉េតុង ក្នុងភូមិទួលត្នោត ឃុំគគីរ ស្រុកកៀនស្វាយ ខេត្តកណ្តាល។
សមត្ថកិច្ចមូលដ្ឋាន បានឲ្យដឹងថា ចំពោះសំភារៈខូចខាត រួមមាន៖ រថយន្ត១គ្រឿង ម៉ាកISTANA Super Prime ពណ៌ស ផ្លាកលេខ ភ្នំពេញ 2AG.4419។
បើតាមសមត្ថកិច្ច បានឲ្យដឹងទៀតថា រថយន្តខាងលើ បានដឹកថ្នាំពេទ្យទៅដាក់អោយម៉ូយតាមដេប៉ូ រួចហើយបានធ្វើដំណើរមកវិញមកដល់ចំនុចកើតហេតុខាងលើ ស្រាប់តែរថយន្តបានផ្ទុះសេខ្សែភ្លើង (ឆ្លងចរន្តអគ្គីសនី) បណ្តាលអោយឆេះរថយន្តតែម្តង ខូចខាតស្ទើរទាំងស្រុង។
ក្រោយកើតហេតុ កម្លាំងជំនាញ បានចុះទៅដល់កន្លែងកើតហេតុ បានអន្តរាគមន៏ពន្លត់ភ្លើងឲ្យរលត់ផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។