គ្រោះថ្នាក់ចរាចរណ៍ទាំងព្រឹក! បុកសិស្សសាលា ៣នាក់ ស្លាប់នៅនឹងកន្លែង នៅស្រុកព្រៃនប់
ខេត្តព្រះសីហនុ៖ គ្រោះថ្នាក់ចរាចរណ៍ទាំងព្រឹក រវាងរថយន្ត បុកជាមួយម៉ូតូយ៉ាងពេញទំហឹង បណ្តាលឲ្យ សិស្សសាលាចំនួន ៣នាក់ បានស្លាប់ភ្លាមៗនៅនឹងកន្លែង នៅវេលាម៉ោងជិត៩ព្រឹក ថ្ងៃ៤ ខែមីនា ឆ្នាំ២០២១នេះ នៅលើផ្លូវជាតិលេខ៤ មុខសាលាបឋមសិក្សា .អនុវិទ្យាលយ័សំរុង ឃុំសំរុង ស្រុកព្រៃនប់ ខេត្តព្រះសីហនុ។
តាមសេចក្តីរាយការណ៍បឋមរបស់សមត្ថកិច្ចមូលដ្ឋាន ឲ្យដឹងថា ករណីគ្រោះថ្នាក់ចរាចរណ៍នេះ បង្កឡើងរវាងរថយន្ត បុកជាមួយម៉ូតូពេញទំហឹង បណ្តាលឲ្យភាគីខាងម៉ូតូ ជាក្មេងប្រុសៗសិស្សសាលាចំនួន ៣នាក់ ដេកស្លាប់ននាលពេញផ្លូវ នៅនឹងកន្លែងកើតហេតុតែម្តង។
ក្រោយពេលកើតហេតុ សមត្ថកិច្ចបានចុះអន្តរាគមន៍សម្រួលចរាចរណ៍ និងដោះស្រាយតាមនិតិវិធីច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។