បង្ក្រាបគ្រឿងញៀន ១០កញ្ចប់ ឃាត់ខ្លួនជនសង្ស័យ ២នាក់ នៅស្រុកថ្មគោល
ខេត្តបាត់ដំបង៖ នៅព្រឹកថ្ងៃទី១៨ខែ មីនា ឆ្នាំ២០២១ កម្លាំងនគរបាលស្រុកថ្មគោល បានចុះបង្ក្រាបករណីគ្រឿងញៀន នៅចំណុចក្រុមទី ១៤ភូមិអង់ជើង ឃុំតាម៉ឺន ស្រុកថ្មគោល ខេត្តបាត់ដំបង ឃាត់ខ្លួនជនសង្ស័យចំនួន ២នាក់។
ជនសង្ស័យទាំង២នាក់ គឺឈ្មោះ រឿត ជួន ភេទប្រុស អាយុ២៦ឆ្នាំ នៅភូមិគោកឃ្មុំ ឃុំតាម៉ឺន ស្រុកថ្មគោល ខេត្តបាត់ដំបង (មានដីកាបង្គាប់ឱ្យនាំខ្លួន) និងឈ្មោះ ជា ប្រសើរ ភេទប្រុស អាយុ៣០ឆ្នាំ រស់នៅភូមិកៀនកែស១ ឃុំគោកឃ្មុំ ស្រុកថ្មគោល ខេត្តបាត់ដំបង។
ក្នុងប្រតិបត្តិការនោះ ដកហូតវត្ថុតាងបាន រួមមាន៖ ម្សៅក្រាមពណ៌សថ្លា ច្រកក្នុងថង់ប្លាស្ទិកចំនួន ១០ថង់ មានទម្ងន់ ៤,៤១ក្រាមទាំងសំបក ទូរសព្ទ័ចំនួន ២គ្រឿង ដែកកេះចំនួន១ និងម៉ូតូចិនចំនួន១គ្រឿង។
ករណីនេះ សមត្ថកិច្ចបានបញ្ជូនជនសង្ស័យនិងវត្ថុតាង ទៅកាន់ស្នងការដ្ឋានខេត្ត ដើម្បីចាត់ការបន្តតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។