ឃាត់ខ្លួនបុរសម្នាក់ ដកហូតគ្រឿងញៀន ២៧កញ្ចប់ នៅស្រុកកំពង់សីលា
ខេត្តព្រះសីហនុ៖ កម្លាំងនគរបាលខេត្តព្រះសីហនុ បានចុះបង្ក្រាបករណីគ្រឿងញៀន ឃាត់ខ្លួនជនសង្ស័យម្នាក់ កាលពីល្ងាច ថ្ងៃទី២១ ខែមីនា ឆ្នាំ២០២១ ស្ថិតក្នុងភូមិចំការហ្លួង ឃុំចំការហ្លួង ស្រុកកំពង់សីលា ខេត្តព្រះសីហនុ។
នគរបាលជំនាញ បានឲ្យដឹងថា ជនសង្ស័យដែលឃាត់ខ្លួននោះ ឈ្មោះ ឆែ លីហួត ភេទប្រុស អាយុ៣០ឆ្នាំ មានទីលំនៅភូមិផ្សារត្រពាំងក្រឡឹង ឃុំគីរីវន្ត ស្រុកភ្នំស្រួច ខេត្តកំពង់ស្ពឺ។ ចំណែកវត្ថុតាងដកហូតបាន៖ ម្សៅក្រាមពណ៍សថ្លាចំនួន ២៧កញ្ចប់ និងទូរស័ព្ទដៃ១គ្រឿង។
បច្ចុប្បន្នជនសង្ស័យ កំពុងឃុំបណ្តោះអាសន្ន នៅអធិការដ្ឋាននគរបាលស្រុកកំពង់សីលា ដើម្បីសាកសួរ និងបន្តអនុវត្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។