រថយន្ត បុកពីក្រោយរថយន្តតូច ខ្ទាចធ្លាក់ផ្លូវរងរបួសធ្ងន់ស្រាល ៤នាក់ នៅស្រុកបន្ទាយស្រី
ខេត្តសៀមរាប៖ កាលពីរសៀល ថ្ងៃទី២៣ ខែមីនា ឆ្នាំ២០២១ ករណីគ្រោះថ្នាក់ចរាចរណ៍មួយ រវាងរថយន្តគ្រឿង បានបុកពីក្រោយគ្នា បណ្តាលឲ្យមនុស្សចំនួន ៤នាក់ រងរបួសធ្ងន់ស្រាល ក្នុងភូមិតានី ឃុំរុនតាឯក ស្រុកបន្ទាយស្រី ខេត្តសៀមរាប។
នគរបាលស្រុកបន្ទាយស្រី បានឲ្យដឹងថា គេឃើញរថយន្តម៉ាក HYUNDAI TRACTOR ពណ៌ស ពាក់ផ្លាកលេខ កំពង់ចាម3A-6255 ទិសដៅពីត្បួងទៅជើង លុះមកដល់ចំណុចកើតហេតុ បានបុកពីក្រោយរថយន្ត១គ្រឿង ម៉ាកTOYOTA CAMRY2007 ពណ៌ទឹកប្រាក់ ពាក់ផ្លាកលេខ រដ្ឋ10 2-0285 បណ្តាលឲ្យមានមនុស្សរងរបួសធ្ងន់ស្រាលតែម្តង។
ប្រភពបន្តទៀតថា គ្រោះថ្នាក់នេះ បង្កឡើងដោយអ្នកបើកបររថយន្ត ម៉ាកHYUNDAI TRACTOR បើកបរក្នុងល្បឿនលឿន និងខ្វះការប្រុងប្រយ័ត្ន បុករថយន្ត ម៉ាកTOYOTA CAMRY2007 ពីក្រោយបណ្តាលអោយមានមនុស្សរងរបួស និងខូចខាតរថយន្តទាំង២គ្រឿង។
ក្រោយកើតហេតុ សមត្ថកិច្ចជំនាញ បានបញ្ជូនជនរងគ្រោះទៅសង្គ្រោះនៅមន្ទីរពេទ្យបង្អែក និងបានយកវត្ថុតាង មករក្សាទុកនៅអធិការដ្ឋាននគរបាលស្រុកបន្ទាយស្រី ដើម្បីចាត់ការតាមនីតិវិធីបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។