នគរបាលដកហូតគ្រឿងញៀន ១២កញ្ចប់ និងឃាត់ខ្លួនបុរសម្នាក់ នៅស្រុករតនមណ្ឌល
ខេត្តបាត់ដំបង៖ កាលពីថ្ងៃទី២៣ ខែមីនា ឆ្នាំ២០២១ ម្សិលមិញ កម្លាំងនគរបាលស្រុករតនមណ្ឌល បានចុះបង្ក្រាបករណីរក្សាទុក ជួញដូរគ្រឿងញៀនមួយករណី បានឃាត់ខ្លួនជនសង្ស័យម្នាក់ នៅចំណុចភូមិជាមន្ត្រី ឃុំត្រែង ស្រុករតនមណ្ឌល ខេត្តបាត់ដំបង។
ជនសង្ស័យដែលបានឃាត់ខ្លួននោះឈ្មោះ មឿន រដ្ឋា ហៅមឹង ភេទប្រុស អាយុ៣១ឆ្នាំ មានទីលំនៅភូមិជាមន្ត្រី ឃុំត្រែង ស្រុករតនមណ្ឌល ខេត្តបាត់ដំបង។ រីឯវត្ថុតាងចាប់បាន រួមមាន៖ ថ្នាំញៀនប្រភេទមេតំហ្វេតាមីនចំនួន ១២ថង់ ថ្នាំញៀនប្រភេទមីនយ៉ាម៉ាWY ចំនួន ៦គ្រាប់ ជញ្ជីងសម្រាប់ថ្លឹងថ្នាំញៀន១ ទូរសព្ទ័ដៃ១គ្រឿង សម្ភារៈសម្រាប់ច្រក និងប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ ត្រូវបាននគរបាល រៀបចំឯកសារបញ្ជូនទៅការិយាល័យជំនាញ ដើម្បីចាត់ការបន្តតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។