ចាប់ខ្លួនយុវជន២នាក់ ដកហូតគ្រឿងញៀន ៦កញ្ចប់ នៅស្រុកបាណន់
ខេត្តបាត់ដំបង៖ កាលពីរសៀល ថ្ងៃទី២៤ ខែមីនា ឆ្នាំ២០២១ កម្លាំងនគរបាលស្រុកបាណន់ បានបង្ក្រាបករណីរក្សាទុក និងចែកចាយគ្រឿង ដោយឃាត់ខ្លួនជនសង្ស័យចំនួន ២នាក់ នៅចំណុចក្រុមទី១០ ភូមិឈើទាល ឃុំឈើទាល ស្រុកបាណន់ ខេត្តបាត់ដំបង។
ជនសង្ស័យ ទី១-ឈ្មោះសឺត បូរី ហៅទីន ភេទប្រុស អាយុ១៨ឆ្នាំ រស់នៅភូមិឈើទាល ឃុំឈើទាល ស្រុកបាណន់ ខេត្តបាត់ដំបង និងទី២-ឈ្មោះ សេង ម៉ៅ ភេទប្រុស អាយុ១៧ឆ្នាំ រស់នៅភូមិឈើទាល ឃុំឈើទាល ស្រុកបាណន់ ខេត្តបាត់ដំបង។ ចំណែកវត្ថុតាងចាប់បាន ថ្នាំញៀនប្រភេទម៉ាទឹកកក ៦កូនថង់ ទូរស័ព្ទដៃ១គ្រឿង និងសម្ភារៈប្រើប្រាស់ថ្នាំញៀនមួយចំនួន។
ករណីនេះ នគរបាលស្រុក បានរៀបចំបញ្ជូនជនសង្ស័យ និងវត្ថុតាងមកការិយាល័យជំនាញ ដើម្បីចាត់ការបន្តតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។