អឺរ៉ុបស្ទាក់ស្ទើ កូរ៉េខាងត្បូង ផ្តល់លិខិតឆ្លងដែនវ៉ាក់សាំង ដល់ពលរដ្ឋ
កន្លងមក សហគមន៍អឺរ៉ុប បានឡើងគម្រោងផ្តល់លិខិតឆ្លងដែន ដល់ពលរដ្ឋដែលបានចាក់វ៉ាក់សាំងរួច ប៉ុន្តែគម្រោងនោះត្រូវបានប្រទេសមួយចំនួនមិនយល់ស្រប់។ ដោយឡែក នៅថ្ងៃទី ១ខែមេសា កូរ៉េខាងត្បូង បានផ្តល់លិខិត ឆ្លងដែនវ៉ាក់សាំង ដល់ពលរដ្ឋដែលបានចាស់វ៉ាក់សាំងប្រឆាំងកូវីដ ១៩ រួចរាល់ ។ សារព័ត៌មានរ៉យទ័រ បានផ្សាយថា សកម្មភាពផ្តល់លិខិតឆ្លដែនវ៉ាក់សាំង គឺដើម្បីឲ្យពលរដ្ឋអាចធ្វើដំណើរឆ្លងដែនបានយ៉ាងងាយស្រួល ទៅកាន់ប្រទេសផ្សេងទៀត ក្នុងដំណាក់កាលនៃការឆ្លងកូវីដ១៩ ។
នាយករដ្ឋមន្ត្រីកូរ៉េខាងត្បូង លោក Chung Sye-kyun បានឲ្យដឹងថា បណ្តាញស្វ័យប្រវត្តនៅលើទូរស័ព្ទដៃ និងអនុញ្ញាតិ ឲ្យអ្នកដំណើរបរទេសបង្ហាញពីភស្តុតាងថាខ្លួនពិតជាបានចាក់វ៉ាក់សាំងប្រឆាំងកូវីដ ១៩ រួចរាល់ ។ ការផ្តល់កាត់បៃតង គឺអនុញ្ញាតឲ្យពលរដ្ឋដែលបានចាក់វ៉ាក់សាំងរួចរាល់ វិលត្រឡប់មកជីវភាពរស់នៅធម្មតាវិញដូចកាលពីមុន ។
ការអនុម័តផ្តល់លិខិតឆ្លងដែនវ៉ាក់សាំង គឺជាប្រធានបទបង្កវិវាទ នៅក្នុងប្រទេសជាច្រើន ក្នុងនោះមានប្រទេសចិនជាដើម និងប្រទេសមួយចំនួននៅក្នុងតំបន់អឺរ៉ុប។ ប្រទេសជាច្រើន នៅអឺរ៉ុប បានជំរុញឲ្យមាន លិខិតឆ្លងដែនវ៉ាក់សាំង ដើម្បីជាការងាយស្រួលធ្វើដំណើរទេសចរនៅក្នុងក្នុងតំបន់ ដែលជាសកម្មភាពដំណើរការសេដ្ឋកិច្ចឡើងវិញ។
នៅពេលនេះដែរកូរ៉េខាងត្បូង បានពង្រីកការចែកចាយនឹងចាក់វ៉ាក់សាំង Pfizer/BioNTech ដល់ពលរដ្ឋ ដែលមានអាយុ ៧៥ឆ្នាំឡើងទៅ ។ មានពលរដ្ឋដល់ទៅ៨៦ភាគរយ ក្នុងចំណោមពលរដ្ឋ៣,៥លាននាក់មានអាយុចាប់ពី ៧៥ឆ្នាំឡើងទៅ មានបំណងទៅចាក់វ៉ាក់សាំង ប្រឆាំងកូវីដ១៩ ។
កូរ៉េខាងត្បូង ចាប់ផ្តើមចាក់វ៉ាក់សាំងជូនពលរដ្ឋចាប់ពីថ្ងៃទី ២៦ខែមីនា ហើយមកទល់ពេលនេះបានចាក់ជូនពលរដ្ឋ ៨៧៧ពាន់នាក់ហើយ។ កូរ៉េខាងត្បូង បានកំណត់គោលដៅចាក់ជូនពលរដ្ឋឲ្យបាន ១២លាននាក់ នៅក្នុងខែ មិថុនាឆ្នាំ២០២១នេះ ហើយដល់ខែវិច្ឆិកា នឹងចាក់ជូនពលរដ្ឋទាំងអស់ ។ បច្ចុប្បន្នកូរ៉េខាងត្បូង មានករណីឆ្លងកូវីដ ១០៣ពាន់នាក់ ក្នុងនោះស្លាប់ ១៧៣៥នាក់ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។