រកឃើញអ្នកឆ្លងកូវីដ១៩ថ្មី ៦៩នាក់ មានករណីឆ្លងក្នុងសហគមន៍ថ្មី ៦៨នាក់ និងមានអ្នកជាពីជំងឺកូវីដ ១៦នាក់
ភ្នំពេញ៖ ក្រសួងសុខាភិបាល នៅព្រឹកថ្ងៃទី២ ខែមេសា ឆ្នាំ២០២១នេះ បានប្រកាសរកឃើញមានករណីវិជ្ជមានវីរុសកូវីដ-១៩ថ្មីចំនួន ៦៩នាក់ និងមានអ្នកជាសះស្បើយចំនួន ១៦នាក់។
ក្រសួង បញ្ជាក់ទៀតថា អ្នកឆ្លងជំងឺកូវីដ១៩ថ្មីទាំង ៦៩នាក់នោះ មានម្នាក់ ជាករណីនាំចូលពីក្រៅប្រទេស និង៦៨នាក់ ជាករណីឆ្លងក្នុងសហគមន៍ មានជនជាតិខ្មែរ ៦៤នាក់ និងជនជាតិចិន ៣នាក់ និងជនជាតិវៀតណាមម្នាក់ ដែលរកឃើញនៅរាជធានីភ្នំពេញ ២៣នាក់ ខេត្តព្រះសីហនុ ៤នាក់ ខេត្តកណ្តាល ១៣នាក និងខេត្តស្វាយរៀង ២៨នាក់។
ចំណែកករណីជាសះស្បើយទាំង ១៦នាក់ ជាអ្នកឆ្លងក្នុងសហគមន៍ ២០កុម្ភៈ ដោយទទួលបានលទ្ធផលតេស្តអវិជ្ជមាន និងបានអនុញ្ញាតអោយចេញពីកន្លែងសម្រាកព្យាបាល។
សូមជម្រាបថា គិតត្រឹមព្រឹក ថ្ងៃទី២ ខែមេសា ឆ្នាំ២០២១នេះ កម្ពុជា រកឃើញអ្នកឆ្លងជំងឺកូវីដ១៩ សរុបចំនួន ២ ៥៤៦នាក់ ក្នុងនោះព្យាបាលជាសះស្បើយ ១ ២៥៦នាក់ កំពុងសម្រាកព្យាបាល ១ ២៧០នាក់ ស្លាប់ ១៦នាក់។ សម្រាប់អ្នកឆ្លងក្នុងសហគមន៍ ២០កុម្ភៈ គឺកើនឡើង ២ ៧១៧នាក់ហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។