ចោទឪពុកមានគ្រូកាន់ ចង់សម្លាប់កូនខ្លួនឯង យកដែកវាយឪពុក ស្លាប់នៅនឹងកន្លែង
ខេត្តបាត់ដំបង៖ កាលពីព្រឹកព្រលឹមថ្ងៃទី៧ ខែ មេសា ឆ្នាំ២០២១ មានករណីឃាតកម្មកូនបង្កើតវាយសម្លាប់ឪពុក បង្កឲ្យមានការភ្ញាក់ផ្អើលដល់ប្រជាពលរដ្ឋនៅក្នុងមូលដ្ឋាន នៅចំណុចក្រុមទី០១ ផ្ទះលេខ២០ស្ថិតក្នុងភូមិអូរដូនពៅ ឃុំឃ្លាំងមាស ស្រុកបវេល ខេត្តបាត់ដំបង។
ជនរងគ្រោះឈ្មោះ ប៊ុត សារ៉េត ភេទប្រុស អាយុ៦១ឆ្នាំ រស់នៅភូមិ-ឃុំកើត ហេតុ ដោយជនបង្កជាកូនបង្កើត ឈ្មោះ ប៊ុត សំណាង ភេទប្រុស អាយុ២៧ឆ្នាំ បានធ្វើសកម្មភាពយកដែកស្បែង វាយឪពុកបង្កើតខ្លួន បណ្តាលឱ្យស្លាប់ភ្លាមៗ នៅចំណុចកើតហេតុ។
ករណីនេះ ជនសង្ស័យ បានឆ្លើយសារភាពថា ការវាយសម្លាប់ឪពុករបស់ខ្លួនបែបនេះដោយសារតែឪពុកខ្លួនមានគ្រូកាន់ ហើយមានបំណងសម្លាប់រូបគេ ទើបគេវាយសម្លាប់ឪពុកជាមុន។
បច្ចុប្បន្ន ជនសង្ស័យ ត្រូវបានសមត្ថកិច្ច រៀបចំសំណុំរឿងបញ្ជូនទៅកាន់ស្នងការដ្ឋានខេត្ត ដើម្បីចាត់ការបន្តតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។