កូវីដ១៩៖ ថ្ងៃនេះ ឆ្លង៥៧៦នាក់ និងជាសះស្បើយ ៧០នាក់
ក្រសួងសុខាភិបាលកម្ពុជានៅថ្ងៃទី៩ ខែមេសានេះ បានប្រកាសថា គេបានតេស្តរកឃើញករណីវិជ្ជមានវីរុសកូវីដ១៩ថ្មី រហូតដល់ទៅ ៥៧៦នាក់ ដែលជាចំនួនដ៏ច្រើនមិនធ្លាប់មាន ខណៈករណីជាសះស្បើយមានត្រឹមចំនួន ៧០នាក់។
ក្នុងចំណោមអ្នកឆ្លងថ្មីទាំងជិត៦រយនាក់នោះ នៅ ភ្នំពេញចំនួន៥៤៤នាក់, ព្រះសីហនុ ១២នាក់, កណ្តាល ១នាក់, ស្វាយរៀង ១៦នាក់, កំពង់ចាម១នាក់ និងសៀមរាប២នាក់។
គិតត្រឹមព្រឹកថ្ងៃទី០៧ ខែមេសា ឆ្នាំ២០២១ កម្ពុជាមានអ្នកឆ្លងជំងឺកូវីដ១៩សរុបចំនួន ៣៦០៤នាក់ហើយ ខណៈអ្នកជាសះស្បើយចំនួន ១៩៨៤នាក់ និងអ្នកកំពុងសម្រាកព្យាបាលចំនួន ១៥៩១នាក់ និងស្លាប់២៤នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។