ម៉ូតូបើកលឿន រថយន្តឡើងវ៉ា ប៉ះគ្នាដួលរបួសធ្ងន់២នាក់ និងស្រាល១នាក់នៅស្រុកស្វាយអន្ទរ
ស្រ្តីចំនួន៣នាក់បានរងរបួសធ្ងន់ និងស្រាល ខណៈបើកបរម៉ូតូតាមដងផ្លូវ ហើយត្រូវរថយន្តមួយគ្រឿងបើកបញ្រ្ចាស់ទិសគ្នាមកប៉ះបណ្តាលឲ្យដួលបោកទៅនឹងថ្នល់។ ហេតុការណ៍នេះ បានកើតឡើងកាលពីវេលាម៉ោងប្រមាណ៤រសៀល ថ្ងៃទី៩ ខែមេសា ឆ្នាំ២០២១ នៅចំណុចផ្លូវលេខ១១ ក្នុងភូមិស្វាយអន្ទរទី១ ឃុំស្វាយន្ទរ ស្រុកស្វាយអន្ទរ ខេត្តព្រៃវែង។
តាមរបាយការណ៍របស់សមត្ថកិច្ច ជនរងគ្រោះទាំង២នាក់ ទី១ ឈ្មោះអ៊ុត ចិន្តា ភេទ ស្រីអាយុ28ឆ្នាំ ជាអ្នកបើកម៉ូតូ (របួសស្រាល), ទី២ ឈ្មោះ អ៊ុត ស្រីណយ ភេទស្រីអាយុ18ឆ្នាំ (របួស ធ្ងន់) និងទី៣ ឈ្មោះ ស្រីណែត អាយុ30ឆ្នាំ(របួសធ្ងន់)។
មុនពេលកើតហេតុ ពួកគេបានជិះម៉ូតូម៉ាកបេតពណ៌ខ្មៅ ពាក់ស្លាកលេខ ភ្នំពេញ 1GQ.3829 ក្នុងទិសដៅពីជើងទៅត្បូង លុះមកដល់ចំណុចកើតហេតុ ក៏មានរថយន្តមិនស្គាល់ម៉ាកបើកបរពីត្បូងទៅជើង ហើយឡើងវ៉ា និងបានកៀរម៉ូតូជនរងគ្រោះបណ្តាលឲ្យដួលទៅខាងស្តាំដៃតែម្តង។
ក្រោយកើតហេតុ រថយន្តបានបើកគេចទៅបាត់ ដោយបន្សល់ទុកជនរងគ្រោះនៅកន្លែងកើតហេតុ ហើយក៏ត្រូវបានសមត្ថកិច្ចអន្តរាគមន៍ដឹកយកទៅកាន់មន្ទីរពេទ្យ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។