ខេត្តកំពង់ធំរកឃើញករណីវិជ្ជមានកូវីដ១៩ម្នាក់ ជាកម្មករសំណង់លួចចេញពីភ្នំពេញ
រដ្ឋបាលខេត្តកំពង់ធំ បានឲ្យដឹងថា គេបានរកឃើញវិជ្ជមានជំងឺកូវីដ១៩ លើបុរសម្នាក់ ឈ្មោះ ឡេក បញ្ញា អាយុ២១ឆ្នាំ រស់នៅភូមិក្តីតាចិន ឃុំទ្រៀល ស្រុកតាំងគោក ខេត្តកំពង់ធំ មុខរបរជាកម្មករសំណង់នៅអូឌឹម រាជធានីភ្នំពេញ។
បុរសរូបនេះ បានជិះម៉ូតូផ្ទាស់ខ្លួនត្រឡប់មកស្រុកកំណើត ដោយបានចូលទិញថ្នាំនៅម្តុំផ្សារអូឌឹម និងបានឈប់ចាក់សាំងនៅចោមចៅ រួចបន្តដំណើររហូតដល់ខេត្តកំពង់ធំដោយបានគេចប៉ុស្តិ៍ត្រូតពិនិត្យតាមផ្លូវទឹកឆា។
ពេលដល់ផ្ទះម្តាយបានជូនដំណឹងដល់មេភូមិ ហើយក្រុមការងារបានចុះទៅយកសំណាក ក្រោយមកក៏រកឃើញវិជ្ជមានកូវីដ-១៩៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។