បិទផ្សារទួលសង្កែ និងផ្សារបឹងត្របែកផ្លាហ្សា ក្រោយពីមានអាជីវករ និងសន្តិសុខឆ្លងកូវីដ១៩
ផ្សារទួលសង្កែ ដែលស្ថិតនៅក្នុងខណ្ឌឬស្សីកែវ និងផ្សារបឹងត្របែកផ្លាហ្សា ដែលស្ថិតនៅក្នុងខណ្ឌចំការមន ត្រូវបានអាជ្ញាធរសម្រេចធ្វើការបិទជាបណ្តោះអាសន្នរយៈពេល១៤ថ្ងៃ ដោយគិតចាប់ពីថ្ងៃទី១៩ ខែមេសា រហូតដល់ថ្ងៃទី២ ខែឧសភា ឆ្នាំ២០២១។
ការបិទផ្សារទាំងពីរនេះ ត្រូវបានអាជ្ញាធរអះអាងថា គេបានរកឃើញក្រុមអាជីវករ ក៏ដូចជាសន្តិសុខនៅផ្សារនោះមានវិជ្ជមានវីរុសកូវីដ១៩ ដូច្នេះដើម្បីបង្ការទប់ស្កាត់ការឆ្លងរាលដាល នៃជំងឺកូវីដ១៩ អាជ្ញាធរចាំបាច់ត្រូវបិទផ្សារទាំងនេះជាបណ្តោះអាសន្នសិន ហើយក៏បានស្នើដល់បងប្អូនប្រជាពលរដ្ឋដែលមានការពាក់ព័ន្ធ និងសង្ស័យ សូមទៅយកសំណាក ព្រមទាំងអនុវត្តវិធានការចត្តាឡីស័កស្របតាមការណែនាំរបស់ក្រសួងសុខាភិបាលឲ្យបានត្រឹមត្រូវបំផុត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។