អ្នកឆ្លងកូវីដ១៩ ក្នុងសហគមន៍ថ្មី ៤៤៦នាក់ ខណៈអ្នកជា ១៣០នាក់
ភ្នំពេញ៖ ក្រសួងសុខាភិបាល នៅថ្ងៃទី២២ ខែមេសា ឆ្នាំ២០២១នេះ បានប្រកាសរកឃើញអ្នកឆ្លងកូវីដ១៩ថ្មីចំនួន ៤៤៦នាក់ ខណៈមានអ្នកជាសះស្បើយចំនួន ១៣០នាក់។
ក្រសួង បានបញ្ជាក់ថា អ្នកឆ្លងទាំង ៤៤៦នាក់ ជាករណីឆ្លងក្នុងសហគមន៍ ២០កុម្ភៈ ដែលរកឃើញនៅរាជធានីភ្នំពេញ ៣៣១នាក់, ខេត្តព្រះសីហនុ ៨២នាក់, ខេត្តកណ្តាល ២១នាក់, ខេត្តតាកែវ ៥នាក់ ខេត្តស្វាយរៀងម្នាក់ ខេត្តកំពង់ស្ពឺ ២នាក់ ខេត្តព្រៃវែងម្នាក់ ខេត្តកំពង់ចាមម្នាក់ ខេត្តបាត់ដំបងម្នាក់ និងខេត្តបន្ទាយមានជ័យម្នាក់។
សម្រាប់អ្នកជាសះស្បើយទាំង ១៣០នាក់វិញ គឺមានអ្នកឆ្លងមកពីក្រៅប្រទេស ៣នាក់ និងអ្នកឆ្លងក្នុងសហគមន៍ ១២៧នាក់ ដោយទទួលទ្ធផលធ្វើតេស្តអវិជ្ជមាន ២លើក ត្រូវបានអនុញ្ញាតឲ្យចេញពីមន្ទីរពេទ្យ។
សូមជម្រាបថា គិតត្រឹមរសៀលថ្ងៃទី២២ ខែមេសា ឆ្នាំ២០២១នេះ កម្ពុជា បានប្រកាសរកឃើញអ្នកឆ្លងសរុបចំនួន ៨ ១៩៣នាក់ ក្នុងនោះករណីឆ្លងសហគមន៍ ៧ ៦៤៨នាក់, អ្នកជាសះស្បើយ ៥ ២០៤នាក់, អ្នកកំពុងសម្រាកព្យាបាល ២ ៤០៦នាក់, អ្នកស្លាប់ចំនួន ៥៩នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។