រថយន្ត និងម៉ូតូ បុកគ្នាពេញទំហឹង ស្លាប់ម្នាក់នៅនឹងកន្លែង នៅក្រុងបាត់ដំបង
ខេត្តបាត់ដំបង៖ កាលពីរសៀល ថ្ងៃទី២៦ ខែមេសា ឆ្នាំ២០២១ មានករណីគ្រោះថ្នាក់ចរាចរណ៍មួយរវាងរថយន្ត និងម៉ូតូ បុកគ្នាពេញទំហឹង បណ្តាលឲ្យអ្នកបើកបរម៉ូតូម្នាក់ ដួលស្លាប់ភ្លាមៗនៅកន្លែង នៅចំណុចភូមិគោកពន្លៃ សង្កាត់អូរម៉ាល់ ក្រុងបាត់ដំបង។
សមត្ថកិច្ច បានឲ្យដឹងថា ជនរងគ្រោះដែលស្លាប់ ភេទប្រុស អាយុប្រហែល២៦ ទៅ២៨ឆ្នាំ មានកម្ពស់ប្រហែល ១,៦៥សង្ទីម៉ែត្រ សម្បុរខ្មៅស្រអែម មានស្នាមវះពោះពីចុងដង្ហើមរហូតដល់ផ្ចិត និង មានសាក់ ( រូបនាគនៅដៃខាងឆ្វេង) ស្លៀកខោខូវប៊យចាស់ ដាច់រហែកនៅជង្គង់ ពាក់អាវយឺតដៃខ្លីព៌ណចម្រុះ បានជិះម៉ូតូ១គ្រឿង ម៉ាកHonda ពណ៌ខ្មៅ ស្លាកលេខបាត់ដំបង 1D-1887។
ក្រោយពេលកើតហេតុ សមត្ថកិច្ចបានចុះវាស់វែង និងស្វែងរកសាច់ញ្ញាតិ ក្រុមគ្រួសារជនរងគ្រោះផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។