តោះ! ទៅទស្សនាទេសភាពដ៏ស្រស់បំព្រង នៅប្រាសាទនាគព័ន្ធ
ខេត្តសៀមរាប៖ នៅឆ្នាំ២០០៧ បារាយណ៍នាគព័ន្ធ ឬជ័យតដាក ត្រូវបានអាជ្ញាធរជាតិអប្សរាធ្វើការជួសជុលប្រព័ន្ធបង្ហូរទឹកបុរាណឡើង វិញបន្ទាប់ពីរកឃើញកាលពីឆ្នាំ២០០៥ ព្រមទាំងបានបង្ហូរទឹកចូលបារាយណ៍ ធ្វើឱ្យអាងទាំង៥ មានទឹកជាប្រចាំឡើងវិញ។
ដែលធ្វើឱ្យបារាយណ៍នេះ មានទេសភាពនារដើមរដូវវស្សា ដែលភ្លៀងចាប់ផ្តើមធ្លាក់មក រុក្ខជាតិជុំវិញ ចាប់ផ្តើមបញ្ចេញពណ៌បៃតងខៀវខ្ចី ដ៏ស្រស់បំព្រង គួរជាទីគយគន់ ដែលអាចអន្ទងអារម្មណ៍ភ្ញៀវទេសចរជាតិ និងអន្តរជាតិ នៅពេលដែលបានទៅទស្សនាប្រាសាទនាគព័ន្ធ។
គួររំឭកថា បារាយណ៍នាគព័ន្ធ ឬជ័យតដាក ឫហៅម្យ៉ាងទៀតថា បារាយណ៍ខាងជើង។ បារាយណ៍នេះ ស្ថាបនាឡើងក្នុងរាជ្យព្រះបាទជ័យវរ្ម័នទី៧ អស់រយៈកាលជិតមួយពាន់ឆ្នាំមកហើយ។ បារាយណ៍នាគព័ន្ធ មានបណ្តោយ ៣៦០០ម ទទឹង ៩៣០ម ហើយវាដើរតួយ៉ាងសំខាន់ដើម្បីផ្គត់ផ្គង់ទឹកសម្រាប់ប្រើប្រាស់ក្នុងវិស័យកសិកម្ម និងដល់មនុស្សក្នុងរាជធានីអង្គរធំ នាគព័ន្ធ និងនៅព្រះខ័ន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។