ចាប់ខ្លួនបុរសម្នាក់ ករណីគ្រឿងញៀន ៣កញ្ចប់ នៅស្រុកសង្កែ
ខេត្តបាត់ដំបង៖ កាលពីថ្ងៃទី២០ ខែឧសភា ឆ្នាំ២០២១ នៅចំណុចក្រុមទី១៥ ភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង កម្លាំងនគរបាលស្រុកសង្កែ បានឃាត់ខ្លួនជនសង្ស័យម្នាក់ ពាក់ព័ន្ធនឹងករណីគ្រឿងញៀន។
ជនសង្ស័យឈ្មោះ ហាច វង្ស ភេទប្រុស អាយុ៣០ឆ្នាំ មានទីលំនៅភូមិកើតហេតុ។ ចំណែកវត្ថុតាងចាប់បាន រួមមាន៖ ថ្នាំញៀនប្រភេទមេតំហ្វេតាមីនម៉ាទឹកកកចំនួន ៣ថង់ ទម្ងន់៥,៦៩ក្រាម ទូរស័ព្ទដៃ២គ្រឿង សម្ភារៈសម្រាប់ច្រករំលែក និងប្រើប្រាស់គ្រឿងញៀនមួយចំនួនទៀត។
បច្ចុប្បន្ននគរបាល បានរៀបចំបញ្ជូនជនសង្ស័យ និងវត្ថុតាងមកការិយាល័យជំនាញ ដើម្បីចាត់ការបន្តតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។