ម៉ាឡេស៊ី៖ រថភ្លើងពីរគ្រឿងបុកគ្នារបួស ២១៣នាក់
រយពេលជាងពីរទសវត្សរ៍កន្លងមក ម៉ាឡេស៊ីមិនដែលមានគ្រោះថ្នាក់រថភ្លើងនោះឡើយ ។ ប៉ុន្តែពេលនេះក៏មានហេតុការគ្រោះថ្នាក់រថភ្លើងពីរគ្រឿងបុគគ្នាចំពីមុខបណ្តាលឲ្យអ្នកដំណើរជាច្រើនរងរបួស។
សារព័ត៌មានរ៉យទ័របានដកស្រង់សំដីមន្ត្រីចរាចរណ៍ ម៉ាឡេស៊ី លោក Wee Ka Siong បានឲ្យដឹងថានឹងបើកការស្រាវជ្រាវករណី រថភ្លើងពីរគ្រឿងបុកគ្នា ក្នុងរដ្ឋធានីកូឡាឡំពួរនាយប់ថ្ងៃទី២៤ខែឧសភា បណ្តាលឲ្យមនុស្ស ២១៣នាក់រងរបួស។
លោក Wee បានឲ្យដឹងថា មានមនុស្ស ១៦៦នាក់រងរបួសស្រាលនិង៤៧នាក់រងរបួសធ្ងន់ បញ្ជូនទៅសង្គ្រោះបន្ទាន់ក្នុងមន្ទីពេទ្យ ។ ដោយសារមានរបួសធ្ងន់ច្រើនអាចនឹងមានករណីស្លាប់ក្នុងហេតុការគ្រោះថ្នាក់នេះ។
ហេតុការគ្រោះថ្នាក់ខាងលើកើតឡើង នៅវេលាម៉ោង៨និង៣៣នាទី ស្ថិតនៅស្ថានី KLCC ដោយរថភ្លើងមួយគ្រឿងមិនមានមនុស្សបុកជាមួយ រថភ្លើងដឹកអ្នកដំណើរ ២៣២នាក់។ រថភ្លើងទាំងពីរគ្រឿងគឺជារបស់ក្រុមហ៊ុន LRT ។
នាយករដ្ឋមន្ត្រី ម៉ាឡេស៊ី លោក Muhyiddin Yassin បានឲ្យដឹងថា បានស្នើឲ្យបើកការស្រាវជ្រាវ ដើម្បីបញ្ចៀសហេតុការអាក្រក់ដែលបានកើតឡើងនាពេលអនាគត់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។