ថៃ ប្រកាសពីស្លាប់ ៤១នាក់ប្រចាំថ្ងៃដ៏ច្រើន ដោយសារកូវីដ១៩
ថៃ៖ ក្នុងរយៈពេល២៤ចុងក្រោយមកនេះ ប្រទេសថៃ មានមនុស្សស្លាប់ចំនួន ៤១នាក់ ដោយសារតែជំងឺកូវីដ១៩ ដែលជាចំនួនស្លាប់ប្រចាំថ្ងៃដ៏ច្រើនពុំធ្លាប់មាន ក្រៅពីនេះ ក៏មានឆ្លងថ្មី ២ ៤៥៥នាក់ទៀតដែរ។
នេះបើតាមក្រសួងសុខាភិបាលថៃប្រកាស នាព្រឹកថ្ងៃពុធ ទី២៦ ឧសភា ២០២១នេះ ចេញផ្សាយដោយសារបាងកកប៉ុស្តិ៍។ ចំនួនឆ្លងថ្មីនេះ ក៏មានឆ្លងក្នុងពន្ធនាគារ ៤៧៩នាក់ផងដែរ ហើយក៏មានជាសះស្បើយ ២៥៧១នាក់ដែរ ក្នុងពេល២៤ម៉ោងចុងក្រោយនេះ។
ក្នុងរលកទី៣នេះ ចាប់តាំងពីថ្ងៃទី១ មេសា មក ករណីឆ្លងថ្មីនៅថៃបានកើនឡើងខ្លាំង មានជិត១១ម៉ឺននាក់ហើយ ជាសះស្បើយជាង៦ម៉ឺននាក់ ស្លាប់កើនដល់៧៧៩នាក់។ រីឯករណីឆ្លងសរុបតាំងពីដើមឆ្នាំ២០២០មក ថៃមានជិត១៤ម៉ឺននាក់ហើយ អ្នកស្លាប់កើនដល់៨៧៣នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។