នគរបាលស្រុកសង្កែ ចាប់ខ្លួនមនុស្ស ២នាក់ ពាក់ព័ន្ធនឹងគ្រឿងញៀន
ខេត្តបាត់ដំបង៖ កាលពីថ្ងៃទី២៧ ខែឧសភា ឆ្នាំ២០២១ នគរបាលស្រុកសង្កែ បានចាប់ខ្លួនជនសង្ស័យចំនួន ២នាក់ នៅចំណុចភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង ពាក់ព័ន្ធនឹងករណីគ្រឿងញៀន។
ជនសង្ស័យទាំង ២នាក់នោះ មានឈ្មោះ រៀន រ៉ន ហៅខ្មោច ភេទប្រុស អាយុ៣០ឆ្នាំ មានទីលំនៅភូមិតាហែន១ ឃុំរកា ស្រុកសង្កែ ខេត្តបាត់ដំបង និងឈ្មោះ សេង ប្រាថ្នា ភេទប្រុស អាយុ២១ឆ្នាំ មានទីលំនៅភូមិអណ្តូងនាង ឃុំតាគ្រាម ស្រុកបាណន់ ខេត្តបាត់ដំបង។ ចំណែកវត្ថុតាងចាប់បាន ថ្នាំញៀនម៉ាទឹកកកចំនួន ១ថង់ ទម្ងន់០,៦៨ក្រាម ទូរស័ព្ទដៃចំនួន១គ្រឿង និងម៉ូតូចំនួន១គ្រឿង។
បច្ចុប្បន្នជនសង្ស័យ ត្រូវបាននគរបាល បញ្ជូនទៅការិយាល័យជំនាញ ដើម្បីចាត់ការបន្តតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។