ចិនបាញ់បញ្ជូនយានអកាសដឹកសម្ភារៈឡើងទៅកាន់ ស្ថានីយអវកាស មុនពេលបញ្ជូនមនុស្សទៅកាន់ស្ថានីយនៅខែមិថុនា
ទីភ្នាក់ងារអវកាសចិនបានប្រកាសថាយានអវកាសស្វ័យប្រវត្តរបស់ចិនបានចតនៅស្ថានីយ៍អវកាសថ្មីរបស់ប្រទេសចិននៅថ្ងៃនេះដោយផ្ទុកឥន្ធនៈនិងអាហារសម្រាប់ការផ្គត់ផ្គង់ដល់អវកាសយានិកនាពេលអនាគត។
យានអវកាសធៀនចូវ ២ បានទៅដល់ស្ថានីយ៍អវកាសធៀនត្រឹមតែ ៨ ម៉ោងប៉ុណ្ណោះបន្ទាប់ពីហោះចេញពីកោះហៃណាន។ កប៉ាល់ដឹកយានអវកាសឧបករណ៍និងឥន្ធនៈដែលត្រូវការសម្រាប់ស្ថានីយ៍។ យានអវកាសឈ្មោះ «ធានចូវ-២» (Tianzhou-2) ឡើងទៅកាន់ទីអវកាស ដើម្បីឲ្យវាចល័តទៅតភ្ជាប់ជាមួយ បន្ទប់ស្ថានីយអវកាសស្នូល ធានហឺ (Tianhe)។ ការបាញ់បង្ហោះនេះត្រូវបានធ្វើឡើង នៅមូលដ្ឋានវិនឆាង (Wenchang) នៃខេត្តហៃណា (Hainan) ដោយប្រើប្រាស់គ្រាប់រ៉ុក្កែត Long March 7។
យានTianzhou-2 មានទម្ងន់ ៤.៦៩តោន ផ្ទុកទៅដោយទំនិញ ដើម្បីឡើងទៅផ្សាភ្ជាប់ជាមួយបន្ទប់អវកាសស្នូល Tianhe។ បន្ទប់ស្នូល នៃស្ថានីយអវកាស Tianhe ត្រូវបានគ្រាប់រ៉ុក្កែត Long March 5B រុញច្រានឡើងទៅទីអវកាស កាលពីថ្ងៃទី២៨ ខែមេសា ឆ្នាំ២០២១ ហើយចាប់តាំងពីពេលនោះ បន្ទប់ស្នូលដែលមានបណ្តោយ ១៦.៦ម៉ែត្រ និងអង្កត់ផ្ចិត ៤.២ម៉ែត្រ ព្រមទាំងទម្ងន់ ២២.៥តោនមួយនេះ ត្រូវបានកែតម្រូវ និងបញ្ជាឲ្យស្ថិតនៅក្នុងគន្លងត្រឹមត្រូវ។ Tianhe ពេលនេះកំពុងស្ថិតនៅរយៈកម្ពស់ «៣៦៨គីឡូម៉ែត្រ» ពីផ្ទៃផែនដី។
ជាមួយគ្នានេះដែរ មន្ត្រីនៃរដ្ឋបាលអវកាសចិន និងជាអវកាសយានិកចិនដំបូង ដែលនឹងរួមដំណើរជាមួយសមាជិកពីររូបទៀត បានលើកឡើងថា ពួកគេនឹងត្រូវបញ្ជូនទៅកាន់ស្ថានីយអវកាសចិន ធានហឺ (Tianhe) ដែលកំពុងស្ថិតក្នុងការសាងសង់ នៅអំឡុងខែមិថុនាខាងមុខនេះហើយ។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ីនហួរ នាព្រឹកថ្ងៃចន្ទ ទី៣១ ខែឧសភា ឆ្នាំ២០២១។
លោក វ៉ាង លីវៃ (Yang Liwei) អនុប្រធានកម្មវិធីកែច្នៃបេសកកម្ម នាំមនុស្សទៅទីអវកាស និងត្រូវជាអវកាយិក ដែលមានតួនាទីឡើងទៅកាន់ ស្ថានីយអវកាស Tianhe ដោយផ្ទាល់នៅក្នុងខែមិថុនា បានលើកឡើងថា ការបាញ់បញ្ជូនអវកាសយានិកទាំងបីរូប គឺនឹងក្លាយជាការធ្វើតេស្ត នៃដំណើរការរបស់ Tianhe ក្នុងការទទួលក្រុមអវកាសយានិកចិនដំបូង និងដើម្បីដឹកជញ្ជូនឥន្ធនៈ ព្រមទាំងគ្រឿងបរិក្ខាផ្គត់ផ្គង់ចាំបាច់នានា ទៅកាន់ទីនោះបន្ថែមទៀតផងដែរ។
សម្រាប់បន្ទប់បន្ថែមនៃស្ថានីយអវកាស Tianhe ដែលអវកាសយានិកបីរូបខាងលើនេះត្រូវជិះ គឺមានឈ្មោះថា ហ្សិនចូវ ១២ (Shenzhou 12) នឹងត្រូវរុញច្រានដោយគ្រាប់រ៉ុក្កែតចិន Long March ចេញពីមូលដ្ឋានបាញ់បង្ហោះឈ្មោះ ជីវក្វាន់ (Jiuquan) ស្ថិតនៅភាគឦសានប្រទេសចិន នៅអំឡុងខែមិថុនាឆ្នាំ២០២១៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។