វិបត្តិស្នេហា! ធ្វើឲ្យនារីវ័យក្មេងម្នាក់ លេបថ្នាំបញ្ចប់ជីវិតខ្លួនឯង នៅក្នុងផ្ទះសំណាក់
ខេត្តពោធិ៍សាត់៖ នារីម្នាក់ បានសម្រេចបញ្ចប់ជីវិតខ្លួន ដោយលេបថ្នាំ បង្កឲ្យមានការភ្ញាក់ផ្អើលឡើង កាលពីរសៀល ថ្ងៃទី៣០ ខែឧសភា ឆ្នាំ២០២១ នៅចំណុចបន្ទប់ផ្ទះសំណាក់មួយកន្លែង ក្នុងភូមិពោធិ៍អណ្តោត សង្កាត់រលាប ក្រុងពោធិ៍សាត់ ខេត្តពោធិ៍សាត់។
ជនរងគ្រោះឈ្មោះ ណុន ស្រីអូន ភេទស្រី អាយុ២៧ឆ្នាំ មុខរបរលក់ឥវ៉ាន់ ២៥០០៛ នៅស្រុកភ្នំក្រវាញ មានទីលំនៅក្នុងភូមិក្រាំងតាសែន សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ ។
សមត្ថកិច្ចជំនាញ បានបញ្ជាក់ថា ជនរងគ្រោះពិតជាដោយសារលេបថ្នាំសម្លាប់ខ្លួនប្រាកដមែន ដោយសារមានវិបត្តិស្នេហា។ សាកសពនារីរងគ្រោះ សមត្ថកិច្ច បានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។